السلام عليكم
اشلون الحلوين المتختخين اللي معاي باذن الله بتترشقين
حبايبي
اليوم وانا راجعه من دوامي وانا افكر وافكر وافكر :bbbiu:
وادعي ربي اقول ياربي ان تعطيني الاراده وتلهمني وجان تجيني فكرة
بنات انا من اللي كل شهرين عند دكتور واقط مبالغ غير المساجات وغير النوادي
اضعف 10 كيلو بس احد يقولي الله جسمج حلو يمه اصير مثل تفاخيه
انتفخ 15 كيلو
عاد اليوم كانو البنات يمدحون الدكتور احمد الخولي
وقلت لهم شنو رجيمه وسالف وقصه
وقلت خلاص بروح له
المهم
جان اتذكر كلام اللي راحت له
وشنو معطيها
رجعت طبعا انا مسويه ملف حق كل دكتور
وبطلت لقيت ان اغلب الانظمه متشابهه
قلت الله هم كنت اقط فلوس هم ضعفت هم غيرت ملابس هم انقردت ورجعت
معناته مو ان الدكتور شاطر والا مو شاطر
الخلل فيني
قضبت الكروت وحسبت اشكثر صرفت علي العيادات صج ضعفت بس وين اليوم رجعت اعاني
فقررت
يارب يارب يارب تثبتني علي قراري
احط حصاله
واقط فيها من اليوم 20 دينار فتح ملف
وبعد اسبوع اقيس وزني واقط فيها مبلغ زياره الدكتور اما 10 او 5
وبعد شهر راح اكون كسبانه مبلغ بحصالتي استفيد منه حق جلسات تنظيف بشره او شي
والاسبوع اللي مثلا يكون مو نازله فيه ثابت الوزن الفلوس ماراح احطهم بالحصاله لا بعطيهم فقير
واذا زايده مبلغ اليوم واللي تجمع بالحصاله راح اصرفه علي عيالي او اي شي يعني انا محرومه منه :)
طبعا بتقولون شنو الرجيم اللي بتسوينه
باقولكم بعد البحث في ملفاتي مالت الدكاتره
راح يكون الرجيم كالتالي
الافطار : شريحه توست اسمر او 2 حق اللي مايشبعون
واي شي تبون جبن لبنه فول تيركي هالسوالف
وشاي وقهوه وماي وحامض حلو :)))))))
الغدا : سلطه شوربه كميه الايدام مع الخضار
يعني غداكم مرق اخذي الايدام مع الخضار بدون اي عيش او معكرونه او اي شي
العشا : بيض مسلوق او الوجبات اللي بالخس من البطريق او انتي تسوينها بروحج
وبين الوجبات حبه فاكهه او علبه روب اكتيفيا الصغير
وقبل النوم يفضل روب اكتيفيا
وبحاول اشرب اعشاب
منو معاي برجيمي :)
طبعا اللي تحب تشاركني حياها الله
وهني مو نسوي يوميات لا نبي افكار والشي اللي نحس فيه الفايده وينزل الوزن
ونشجع بعض وبالاخير نشوف الحصاله شسوينا فيها
طبعا الحصاله كل شهر تتفرغ
لان مثل جسمنا مخزن دهن وشحم ولحم وبنفرغه وراح يبين علينا بعد شهر فنحتاج نكافا نفسنا مو بوجبه فري لالالالالالالالالالالالال الالالالالا بجلسه تنظيف بشره والا مساج والا سوالف الدلع :)
والله يضعف كل متينه بخير وعافيه 