ليش كل إلي يشوفني يقول عني ......... ؟؟؟؟؟

ليش كل إلي يشوفني يقول عني مغرووره ؟؟؟؟

معني ما اشوف نفسي مغروره بالعكس أحب الناس وماحب أجرح أحد بس مزاجيه حيل وعصبيه
وبصراحه ما عندي رفيجات وإيد بس يعني ما أعرف أسولف أحس سؤالف البنات تافهه وما تعجبني يعني مثلا بنات سؤالفهم كله شباب وصياعه وحش بالأوادم ولمن اقعد كله ساكته وأحب انفرد بنفسي من كثر ما اشوف أن الناس ماصخين واكره أكره أكره السوالف بالتلفون ! كل وحده تقولي بدق عليج لازم اتهرب !!!!

وهالسالفه سببت لي أزمه والله يعني محد يحبني ولا أحد يقرب صوبي أو بس سلام بيني وبينهم وإذا كنت بسال عن شغله !! والسبب أن يحسبوني مغروره ومتكبره !!



حتى مره رفيجتي قالت لي أن مشيتج عصبيه وجنه مو عاجبج ؤحتى نظراتج جنه مو عاجبج !! مع أن هذي طبيعتي !!

ؤحتى بقعدات بنات كلله أنا ساااااكته !!! وهالشي حددددددددددده مضايقني وإذا ييت بسولف محد يتجاوب معاي فاسكت أحسن لي

ولمن إصير ميانه مع بنت معينه أسألها شنو قلتي عني أول ما شفتيني ؟؟ سيده تقولي أنا كنت أحسبج مغروره وشايفه نفسج !!

يعني بالعربي المفيد انا ما أعرف أسولف وان الناس كله يحسبوني مغروره
يعني بالكويتي الفصيح " حدي ثقيله و مليقه " :)

يعني شسوي أبي أعرف شلون أجذب الناس بأسلوبي وإخلي الكل يسولف معاي ويحبني :( :eh_s(2):

بناات رجاء رد يجرح مابي وبليز لحد يقولي خلج واثقه من نفسج أنا واثقه بنفسي لين صرت انطوائيه ومحد يحبني