طريقتي البسيطه للعنايه بجسمي ..

السلام عليكم ورحمة الله وبركاته

خواتي هذي عنايتي البسيطه بنفسي حبيت اكتبها لكم للفايده وان شاء الله تستفيدون منها واحب بعد تشاركوني بطريقتكم لاني جديده بعالم المتزوجات وحابه اتعلم طرق كثيره للعنايه
بالبدايه
بقولكم شغلات انا اسويها من قبل لا اتزوج علمتني عليها امي ربي يطول بعمرها واختي الكبيره

اول شي وقبل كل شي كنت آخذ شور قبل الزواج مره وحده يوميا الحين بعد الزواج مرتين الصبح وقبل النوم وصار روتين عندي


[IMG]http://im10.********************************************/2011-12-19/1324328841372.png[/IMG]
1- تنظيف الاسنان كل اربع شهور عند طبيب اسنان من قبل لا اتزوج ومستمره على هالطريقه غير تفريش الاسنان والغسول الازرق يوميا
وبجذي دوووم ريحة انفاسي حلوووه واسناني بيضا وتلمع

[IMG]http://im10.********************************************/2011-12-19/1324328842625.png[/IMG]

2- استخدم لتحت الآرم ديودرنت من روووك بالصيدليه ب شي و6 بس طبي ووايد حلو لا ماي ينزل ولا أي روائح


http://up.arab-x.com/Dec11/Wlj28463.png

3- للمنطقه السفليه استخدم غسول من سيباميد ريحته مو صج روووعه ومنظف ومطهر وحتى بعد الزواج ما غيرته وماراح اغيره حييل مرتاحه عليه


4- الاندر وير مو حفر لا كت مثل جنفير لوبيز روووعه ومايسوي خط البكيني

5- لوني من تحت قطعه وحده عشان جذي ما تعبت بتجهيزي لعرسي والفضل يرجع لاختي الكبيره من وانا عمري 13 سنه عودتني على جل ولوشن بيبي جونسون بعد الشاور والترطيب خلا المنطقه كلها لون واحد

نجي للاشياء اللي سويتها بعد عرسي

1- سويت ليزر كامل لمنطقة البكيني والاندر آرم وارتحت وانصح كل العرايس يسوون جذي بياض وصفاء ونعومه مو صج

[IMG]http://im10.********************************************/2011-12-19/1324328842154.png[/IMG]

2-غسول المنطقه اهو ما غيرته بس صار 3 مرات باليوم وما بين الفخذين ومن الخلف نقط من مسك العروس من القرشي

3-الديودرنت ما غيرته مرتاحه عليه بسس اختي مسويه خلطة مستكه وكريم ومعطتني منها امسح خفيف ريحتها وايد حلوه

[IMG]http://im10.********************************************/2011-12-19/1324328841471.png[/IMG][IMG]http://im16.********************************************/2011-12-19/1324329115841.png[/IMG] [IMG]http://im10.********************************************/2011-12-19/1324328842154.png[/IMG] [IMG]http://im10.********************************************/2011-12-19/1324328841493.png[/IMG]
4-سويت خلطه للجسم بعد شاور الصباح مهما مدحت فيها شقووول نعومه بياض ريحة انتعاش بس اشم جسمي
وهي سهله وايد ( 3 ارباع جل بيبي جونسون ..ربع زيت بيبي جونسون و2توله كامله مسك العروس من عبدالصمد القرشي وبعد الشور ارطب جسمي فيها ونفس الطريقه مسويتها بس بدل المسك حاطه 1 توله التوت البري من زهور الريف .. وفي بعد الغاردينا وسويت كاميليا و الفانيليا من بودي سنتر وعندي اكثر من رائحه كل مره شي بس احب المسك الابيض ادمااان )

http://up.arab-x.com/Dec11/Os828463.png http://up.arab-x.com/Dec11/NgS28463.png
5-في كذا مخمريه عندي طبعا لشعري واحيانا ارش عطر الور من شانيل للشعر

http://up.arab-x.com/Dec11/Tpu28463.png[IMG]http://im14.********************************************/2011-12-19/1324329302431.png[/IMG]
6- بالليل استخدم الجل شور وبعده كريم العطر وارش العطر اللي اخترته لليله واحط ورا اذوني والصدر ومكان النبض من سفاري من القرشي ( وفي عطر مميز عندي مع كريمه سلفر رين اهو شوي غالي شي و80 بس روووعه لليل )
وبجذي هذا نظام عنايتي اليومي بنفسي
يارب اكون عطيتكم معلومه جديده وبانتظار طرقكم المميزه بالعنايه بنفسكم عشان كلنا نستفيد من خبرة بعضنا