ياكـــافي ورى الجماهير صايرين تســذا ؟؟

<div>

بسم الله الرحمن الرحيم

السلام عليكم ورحمة الله وبركاته ..

صبحكم / مساكم .. الله بالخير

شلونكم ؟؟

نطب بالموضوع أطب شئ بالعالم

الحين انتم وراكم تسذا ياكافي ؟؟

سابقين الأحداث ومستعجلين على كل شئ
كل المواضيع تتكلم عن يناير
تو الناس باقي مباراتين ياجماعة اصبروا تركدوا خلوا عنكم الطفاقة.

الادارة لها ثلاث مواسم الحين تشتغل وكل موسم يكون أحسن من اللي قبله الا ذا الموسم صدز بدايته لك عليها لكن وراكم شابين على الادارة وتدبرونها وكل واحد يذب اقتراح على الادارة..

خلوهم يشتغلون على راحتهم هم أبخص ياجماعة .. ولو انهم يبون شوركم كان قالوا بنحط صندوق اقتراحات عند باب النادي وكل واحد يجي ويذب ورقته ..

يعني تراهم مب جايبين لكم خبر بيسوون اللي يشوفونه لمصلحة الزعيم.

صراحة انفقعت مرارتي من المنتدى ذا الايام بصراحة كل واحد لازم يكتب له موضوع ويقترح اللي يقول سووا كذا واللي يقول لالاتسوون طبعاً اقصد اللي يطرحون أسماء مدربين أو اجانب أو يقولون اقلعوا المدرب والا اقلعوا اللاعب الفلاني واللاعب الفلنتاني ..

مايصير ياجماعة مايصير .. الحين الفريق عنده مباراة بكأس ولي العهد ذا الأسبوع وحنا للحين نذب اقتراحاتنا على الادارة .. مانبي نشوش عليهم خلوهم يلعبون قدام الشعلة على راحتهم وبعدها قدام الاتحاد .. كل اللي نبيه من بعض اننا ندرعم بالملعب ونتكي ونشجع ..

<div align="center">زبدة الهرج :
<font size="5"><font color="black"><b>من الذكاء إنك إذا طحت بمشكلة تدور أسهل الحلول واللي مايسبب لك مشكله أكبر منها <font color="red">