"" أنــــــــــــــا قاطعه ! ""
السلام عليكم و رحمه الله و بركاته
حبيباتي خواتي , يمكن مشكلتي تكون بسيطه بعين البعض , و هي بسيطه ترا
بس اللي معقدها اني مو عارفه اتخلص منها , خصوصا مع آثارها السلبيه علي
يا بنات انا ( قاطعه )
يعني : ما اواصل احد , ما ارسل لاحد , ما اسأل عن احد , الا في اضيق الحدود .
مو من النوع اللي اتصل تلفونات وايد , على فلانه و علانه ,, احب اتصل و اسولف , بس مو وايد .
الامر بدأ يمتد و وصل لخالاتي ! انا ما اتصل على خالاتي و لا خوالي , مع اني ازورهم و ازاورهم , و ابرهم و ما يشوفون مني الا كل خير مهما اساؤوا لي .
مع ذلك ! ما احب اتواصل !!!
رفيجاتي ,و الله و الله اني احبهم وااايد ,, بس ايدي ما تيي على التلفون ! و الحمد لله ان فيه واتس اب الحين , والا قبل , كلشششششش .
البنات اذا قعدوا يسولفون , و وحده تكلمت عن بنت خالتها اللي تدرس , وولد خالها اللي مريض , وولد عمها اللي يخطبون له و مولاقين له , و امها اللي متزاعله مع خالتها , و اختها الصغيره
اللي ما تحب القطاوه .
تدرون كل اللي قاعدين بالسوالف يحفظون هالأشياء و يقعدون بعد كم يوم يسألون صاحبه السالفه : هاه شخبار امج تراضت مع خالتج و الا لا , ؟ هاه لقيتوا له عروس ولد عمج ؟
انا ما اتذكر ولا شيء !!! و لا أسأل عن ولا شيء !! و لا كأني وياهم بالسالفه اصلا !!
بعضهم يركزون ان فلانه اختها الصغيره اسمها جذي , و الكبيره اسمها جذي و يركزون هم بأي مدرسه واي كليه , و شوي شوي يندمجون وياهم ... انا ابدااا كلششششششششش :eh_s(2):
انا ادري ان الشيء هذا غلط
ولو اقول لكم شيء يمكن ما تصدقون , انا وايد اجتماعيه و اسولف و بسرعه اتعرف على الناس
بس مشكلتي هي التواصل , ابي اصير مثلهم , اندمج وايد و اتواصل و ادقدق تلفونات .
ياليت تنصحوني
مشكورين يا بنات
