بنات بليز : أمريكا & klm

السلام عليكم

شلووونكم حبيباتي

بنات ماعليكم امر عندي جم استفسار :eh_s(10):

انا ان شاءالله شهر 4 مسافره امريكا
نيويورك - اورلاندو - ميامي
ومااي اسفسارز >> يعني جمع:krkrkr:

1- انا رايحه على طيران الهولندي .. جم الوزن المسموح فيه ؟
واذا زدت جنطه جم ياخذون عليها ؟ وشلون اشتري جنطه من النت او من المطار بالرده ؟

2- قالوا ان نيويورك برد هالفتره يعني اخذ معاي جاكيت شتوي والا عادي جم طويل قطن
خاصه ان معاي ولدي بيكون عمره سنه ونص ؟

3- انزين شنو ممكن اشتري من نيويورك ومو موجود بفلوريدا ؟
لان نيويورك ماني رادتلها مره ثانيه ردتي بتكون من ميامي

ومابي افسفس فليساتي من اول شي :eh_s(4):
ابي شي موجود بنيويورك ماراح احصله باورلاندو او ميامي


4- شلووون مستوى الطيران الهولندي ؟ مريح وفي ميديا وجذي ؟


ادري قرقرت وسألت وااايد
بس ادري فيكم ما تقصرووون


ومشكوووريييين مقدما :ggdw::eh_s(8):