♥♥ ** حمسة الربيان الطري + عيش مشخول ** ♥♥ طريقتي لا منقول ولا تقليد
المقادير : الكمية حسب عدد الأشحاص انتي تقدرينها
ربيان طري حجم وسط
كركم ناعم
زنجبيل + ثوم معجون ( او تقدرين تسوينه بالبيت تهرسينه مع بعض )
بهارات سمك
دارسين ناعم
هيل
اعواد دارسين
فلفل اسود
ملعقة صغيرة بهار مشكل
3- 4 حبات مسمار
5 الى 6 بصلات ( مفروم صغار )
شوية شبنت او كزبرة او بقدونس مفروم ناعم
زيت
معجون طماط
الطريقة :
- نظفي الربيان وشيلي القشر وشقي الظهر وطلعي الخيط الأسود ثم اغسليه واتركيه بالمشخال ينزل الماي منه
- ضعي الربيان في جدر يغمره الماي بمقدار 3 سم وحطي معاه ( دارسين اعواد - شوية كركم - مسمار - هيل ناعم - نتفة بهار سمك واتركيه على النار لما يستوي تقريبا باخذ نصف ساعة ) ثم اشخليه مرة ثانية واتركيه على جنب
- حمسي البصل بجدر على النار لما يصير لونه بني ( رشي عليه شوية ماي ياخذ من لون قاع الجدر)
- ضيفي عليه الربيان وحمسيه معاه عدل ما ينشف الماي
- ضيفي عليهم زيت كمية من الزيت ( مو وايد ولا شوية ) ثم اضيفي ملعقة متوسطة كركم - شوية دارسين ناعم - شوية هيل - وملعقة صغيرة بهار سمك + ملعقة صغيرة بهار مشكل - فلفل اسود ) وحمسي عدل
- ضيفي الخضرة المفرومة اي نوع وقلبيها معاهم
- ضيفي الثوم المدقوق والزنجبيل لما تطلع الريحة اتهبل وملعقة معجون طماط ( حسب الرغبة )
- قصري النار واتركيه لمدة 10 دقايق ولاتنسين تحته الحديدة عشان ما يحترق
- طريقة الرز المشخول ذكرته بأكثر من موضوع سابق
- قدميه مع المشخول وعليكم بالعافية :rerrerek::rerrerek:
