لا يامليك المملكه ماعاد في الدعوى سكوت...

<div><font color="Black"><font face="Arial Narrow">لا يامليك المملكه ماعاد في الدعوى سكوت
نبا نقول الحق لو إنك تقطع روسنا

العام كنا مانفكر وش نجيب اليوم قوت
واليوم حنا في بلدنا كننا في البوسنا

من الفقر ومن الجوع والحظ الردي خطر ٍ نموت
وأنتم على الدار البعيد توزعون فلوسنا

قام الزمان يدوسنا ويشوتنا باالرجل شوت
وحنا رجال ٍ ماتعودنا الزمان يدوسنا

ماعندنا زوجه ولانملك مع العالم بيوت
حتى بعد صعبه علينا نشتري ملبوسنا

مامن معاش ٍ في نهار ولليلنا مامن سبوت
نعطي سباريت الخلا على ظهور جموسنا

مغير نشعب مع فيافي نجد في ظهور الفروت
والرزق بعد الله على طلياننا وتيوسنا

حنا بدو ونعيش في شهب الصحاري والخبوت
من عزنا نقدر نموت ولانذل نفوسنا

وخزانة الدوله معششت ٍ عليها العنكبوت
يمكن يجيها واحد ٍ ويحوسها ويحوسنا

لا يامليك المملكه وإلى متى حنا سكوت ..؟
نبي نقول الحق لو إنك تقطع روسنا

ناصر الفراعنه

أظن النص هذا مكذوب على الشاعر الكبير ناصر الفراعنه فهو أسمى من هذا النص

تقديري ,,,,,