الجزء الثاني من قصتي مع المزيووووووووووووون بسرعه لحقوااا
السلام عليكم ورحمة الله وبركاته
شلونكم خواتي وأشكر كن من سأل عني وعن المزيوووون :eh_s(9)::eh_s(9):
أما بعد المزيون بخير ويسلم عليكم وهو بصحة تامه وقاعد يمشي علي ريوله :eh_s(9): .. أومبيه ذكرني بأيام المكاتيبب :krkrkr: كاااااااك
بنات المزيون يبي سكرتاريه بقسمه يعني يبي بنتين ينظمون الشغل عنده لأن الظاهر تثبت آه ياعل الله يثبته بالدنيا والأخره سبحانه وحده أللي شبعه بالزيين ... المهم مو هذا موضوعنا :bbbiu:..
الريال طلبني أنا ورفيجتي بس مو الرقله وحده ثانيه زينه تكانه مونفس ستايلي وعندها عيال وحابه تنتقل وهالمزيوووووووون قال أبي فلانه وأنا طبعا أنا اليوم من طلعت من الدوام وأنا هرنات مسويه مسيره ليما وصلت الباب أدري مالي نصيب بس كافي أنه طلبني و أصبح بويه كل صبح بدال مديرتنا أللي وزنا 180 طن وكل صبح ريوقها فول وأجار عفيه حاارج مايحوشها أحسها محمضه من كثر ماتلط الله ماقول غير الله يعين الكرسي أللي تقعد عليه لاقامت قام يلهث من التعب بس مديرتنا قالت فلانه تروووح بس أموول لأ حسبي الله علي بليسها جانها قطعت عني الخييير:yaaaaaarb: وبعد ألحاح المزيووووووون قال أبي هالبنتين أنتي مكتبج مليان بنات و وافقت بعد أنا اليوم ماقصرت طلبت لها صحن فطااير يعني رشيت معدتها لأن أللي يحبها يطلب لها أكل بس يتني وحده وقالتلتي نصيحه لاتروحين هذا نظامه مايحب يطلع ألا أللي بمكتبه يطلعون عقبه وقسم سكرتاريته أنحاشوا بهالسبب أهما شباب أثنين ومايخليهم يطلعون ألا متأخرين ومايعطي أستئذان وأنه أقترح علي أكثر من وحده تمسك السكرتاريه بس رفضوا لأن أحنا تقريبا دوامنا نطلع علي الوحده وأذا تأخرنا نطلع وحده وربع أذا فيه زحمة شغل أما أهوا يطلع علي ال2 ونص الحلو مطبق نظام الخدمه المدنيه فوق الزين شخص حقاني ولك أنت منيييين جييت علي قولة أمي :eh_s(7):
عااااد أقولكم أنا محتاره أروح ولا ماأروح أولا الشغل عنده حلو ماكو زحمة مراجعين والمكتب نظيف مثله مو عندنا القراطيس فوق المكاتب حتي الفراريش أنحاشوا من دثرتنا وغيير جذيه كافي بشوفه كل صبح أوكي مالي نصيب بس مايمنع أمتع النظر عندي العين من حقها تشوف منظر جمييل بس تدرون خايفه أبليس يوزني مايوزه أهوا محترم يعني يصير تفكيري الدائم وأتعلق فيه أكثر من قبل ياربي الظاهر أمه متنسيه بالقمر أطالع فيه طول حمالها مو هذا موضوعنا شرايكم بنات أفضل أوخر البانزين أللي أهوا عنه ولاأروح أنا وزميلتي نروح ونسوي شغله ماأبيه يتعطل مايستاهل ....
أنا من داخلي موافقه 1000% 100 بس أحاتي موضوع الطلعه متأخر شرايكم بنات .
الله يخليلكم أللي بتنتقدني لادش تدعيلي وتمشي بدون تجريح وأنا أنسانه صريحه ماخلي شي بقلبي .
