مشكلتـــــي هي حيــــرتي ..!!
السلام عليكم ورحمة الله وبركاته
شخباركم بنات لي مده ما دخلت المنتدى بس هالايام نفسيتي تعبانه ودخلت افضفض شوي وبليز قبل لا اتكلم لحد يضايقني بكلام ماله داعي يكفي خواتي وبنات خالتي مو مقصرين انا ابي احد يفهمني لاني انا مو فاهمه نفسي ومشكلتي على قولت خواتي ما عندي مشكله انا في وضع كل بنت تتمناه بس للامانه موسعيده بحياتي الزوجيه في شي افتقده بس ما ادري شنو بقولكم الموضوع واحكمو هل انا مثل ما يقولون عني خواتي مغروره وذابحني الكبر وجامح فيني الخيال ولا انا صح وشعوري بمكانه
ترى اكتب لكم من غير تصفيف للكلام جذي فضفضه
انا متزوجه من سنه وشي وزوجي يحبني موت وشايلني من الارض شيل يعني للامانه مو مقصر معاي لا بمشاعره ولا اهتمامه ولا هداياه والماديات وجذي وشكله حلو وطويل موشين واخلاقه عاليه يعني رجال بمعنى الكلمه لبى عيووونه وين المشكله الحين !!!؟؟؟
مااااااااااااادري والله العظيم ما أأأأأدري مو قادره احبه يعني ممو ما احبه لا له غلا عندي وحيل اغليه بس مو قادره اعشقه العشق اللي يخلي قلبي يطلع من مكانه لمن اشوفه يعني مثل ما يقول لي ليتني اشوف بعيونج اللي تشوفينه بعيوني لج واشياء كثيره ما اقدر اقولها
انا حزينه داخل قلبي وززوجي حاس بهالشي ودووم يسألني مضايقج انا بشي اقول لا
ترى انا مشاعري مو بارده بس مو قادره احس بانجذاب قوي له ومو عارفه ليش ؟؟ كل المقومات فيه وكافي نظرة عيونه لي لا طالعني ياربي
ما ادري ليش بس ترى اهو حيل عصبي وعنيد وغيور وشكاك وحاكرني حكره مو طبيعيه بلبسي وطلعتي ودخلتي يعني فيه اشياء تضايقني منه
والله ما ادري شنو اكتب بس قبل يومين صار موقف وتضايقت حيل وزوجي يظن اني متكبره عليه فعصب وقال بيطلع البر مع ربعه وقلت اووكي انا بروح انام عند اهلي عصب اكثر وقال لاتطلعين من البيت !! شنوا سوي عند حمولتي وهو مو موجود !!؟؟ اول مره يغيب عن البيت بدوني من تزوجنا وانا حيل خوافه ما عرف انام بروحي بالدار.. كلمت اختي وقالت هذا اللي خايفه منه الرجال زهق من غرورج عليه ترى النعمه اللي انتي فيها بتنقلب على راسج الرجال شايلج من الارض وانتي شتبين ومن الكلام اللي يضايق !! واليوم بيجي زوجي وانا ضايقه ومالي خلق اقعد بالبيت ..
بنات في احد منكم حست بهالشعور يعني تكون مشاعرها حااايره مو عارفه شنو الشعور اللي تحس فيه تحب وما تحب زوجها
.
.
((الحب والعشق بمنظوري هو شعور ينتاب الروح والقلب هو
دمعه حايره فالعين لا شاف او ذكر اللي يحب )) صعبه ينفهم شعوري :eh_s(2):
