الجزء الثاني من ثلاثية الطاقية براسين ...
لا تنسون فيه جزء اول قبل هذا ونصيحه قبل لا تقرا هالموضوع ترا فيه كلام محظور شوي شوي لا تطير عيونك علينا
[align=center]نكمل لكم القصه [/align]
أم سعد : عندي لك بنت ناس و أهلها عندهم خير وفوق هذا كله ما يبون منك شي إلا قل بيعطونك فلوس
أنا : خير وش هالحركات يا خالتي تصرفين بضاعتك علي جايبة لي بنت ملعوب عليها وأهلها يبون الفكة
أم سعد : لا والله يا وليدي إلا بنت ناس وناس معروفين بعد بالطيب ما عليهم بس قصة هالبنت قصة ..هذي الله يسلمك معها ماجستير ..من كلية التربية وتبي تدرس وبعد وسايط ما خلوا أحد آخرتها خلوها تدرس ابتدائي في الرياض بس هي زعلت قالت بعد الماجستير هذا كله ادرس ابتدائي ورأسها وألف سيف إلا تدرس ثانوي ..المهم مالقوا لها ثانوية في الرياض يالله يالله عينوها في بير العتش 80 كيلوا غرب حفر العتش يعني تقريبا 280 كيلو عن الرياض والبنت كل يوم طاقه هالمشوار اللي يقطع القلب و أهلها مو قادرين يودونها ويجيبونها ولا مرسلينها بروحها مع السواق وسيارة التوصيل حسرت بها واللي زاد الطين بلة البنت ناوية تقدم على الدكتوراه فهمت الحين قصتها
أنا : طيب أنا وش بأسوي يعني بنقلها للرياض ولا وش بأسوي لها
أم سعد : لا أنت بتعرس عليها و ببلاش بعد و بتصير توصلها وترجعها و أبوها بيشوفك يعني بيعطيك ألفين ريال كل شهر غير راتبك من الشغلة اللي أنت فيها واسمه يساعد بنته ورجلها...
أنا : طيب يعني بس ولو صعبة البنت معها ماجستير و أنا يالله بكالوريوس ويخب علي
أم سعد : أصلا أبوها ما يهمه ماجستير و لا خرابيط بس يبي يتطمن على مستقبل بنته
أنا : طيب والمهر وتكاليف الزواج على مين لا تكون قطة بين شلة الاستراحه
أم سعد : قال خذ خير قال ما معي قدر <<< من راسي هالمثل )) أبوها متكفل بكل شي يعني أنت و أنا خالتك بتدخل بمجهودك وتعبك بس
أنا : يالله أجل مشينا وش تنتظرين ترى نسبة الحموضه واصلة أقصى حد أبو 26 سنة لا أعرست ولا شغل ولا مشغلة
أم سعد : لا أصبر اكلم أم البنت و يحددون لكم موعد بس أنت أبيك تكشخ وتزبرق ترى وراك عرس ..
وبعدي يومين تتصل أم سعد تقول لنا أن موعدنا بيصير يوم الأربعاء بعد المغرب .ورحت أنا و أمي ..( يعني مسوي رجل عصامي) ودخلنا عندهم أمي كانت معي واختفت فجأة مدري وشلون سحبوها ولا هي زرقت وأنا جلست مع العم أبو أمل هو الصدق أسمه أبو عبدالرحمن بس اللي بخطبها أسمها أمل
أنا : في الحقيقة يا عمي مدري وش أقول لك أنا سمعت العرض من الخطابة أم سعد ..قصدي سمعت من أم سعد إن عنكم بنت ماشالله على قدر من الجمال والأخلاق ..
أبو أمل : الله يسلمك حتى إحنا سامعين من أم سعد أنك شاب متدين وعلى خلق
أنا : لا أنا خالصين من موضوعي يعني أكيد متدين وعلى خلق يعني وش بأكون سربوت و إذا ما أنت مو مصدق اسأل إمام المسجد قل له ما في واحد هالايام صاير يصلي معكم بشكل منظم بس قل له القصير ترى في واحد طويل بعد هالايام رجله اخذت على المسجد شكله هو بعد ناوي يخطب بس شكله ناوي يخطب من مطاوعه لأنه مربي دقن ...
أبو أمل : لا اللي سمعناه من أم سعد يكفي ثانيا اهلك اعرفهم من بعيد يعني اعرف اسأل عنك لو بغيت
أنا : اسأل يعني بأخاف ..المهم أنا طال عمرك جيت أتقدم وأطلب يد ابنتكم المصون أمل على سنة الله ورسوله وغيره ماعندي كلام ... وش قلتوا متى العرس <<< مشفوووووح
أبو أمل : والله شف و أنا عمك بالنسبة لي ما عندي مانع القرار الأول والأخير لها ..بس في حاجة أبيك تعرفها عنها قبل لا تتزوجها علشان ما تقول ما قلتوا لي
أنا : ( طيرت عيوني فيه ) افا أنا قلبي ناغزني هالعرض اللي ولا كأنه عرض بيتزاهت اشتر واحد واحصل على الثاني مجانا لايكون تبون تزوجني اختها الثانيه بعد ...وراه شي هالعرض شف يعني البنت عليها شي ماسكتها الهيئة ... أحد لاعب برأسها وزها إبليس واتصلت على قناة الأصلاح ... الشاصي مطعوج .. مسويه خليه ارهابيه علمني انا عارف انكم عيله زباله ...
أبو أمل : كل تراب أنت ووجهك بنتي مو من هالأشكال ..وشفيك تفكيرك وصخ .. أنا بس حبيت أعلمك أن البنت تشتغل برى الرياض حوالي 280 كلم ولا عندها استعداد تترك عملها و إذا بتتزوجها أنت بتصير توديها وتجيبها
أنا : ايه بس كذا طيحت قلبي الله يآخذ عمر العدو أدري عن هالشي وقابل في شي ثاني
أبو أمل : أبد الحين أدخل أخذ رأي البنت وبعدين نتفاهم في التفاصيل إن الله كتب شي بينكم
أنا : وش تفاصيله لحظة ..العرض حقكم ..قصدي أم سعد تقول انك بتتكفل بكل شي هاه رجعت في كلامك
أبو أمل : أنت الحين لاقي بنتي بايرة ولا وش فاهم بالضبط أبى افهم
أنا : لا طال عمرك بس اللي اخبره أنكم تبون تشترون رجال .ومثلك عارف هالوقت ما فيه رجال خير شر ..حتى أنت والله ما أدري عنك .. اللي يودي الحرمة لعملها ولا جامعتها السواق ..اللي يرجعها من العروس الساعة 4 الفجر بعد السواق ..أن قامت تونون آخر الليل و أوجعها بطنها تروح مع السواق للمستشفى .. حتى كنديشن غرفة النوم أن خرب تلقى السواق يجر عامل التصليح ويتنحنح ويدخل غرفة النوم يعني يا عمي ما في رجال هالوقت وللمصداقية وقول الصدق أنا ما أمدح نفسي ولا اثني عليها بس تقدر تقول عني أني فرخ رجال يعني مشروع رجال .... يعني بشوية دعم وتأهيل بصير رجال
أبو أمل : الزبدة يعني وش تبي تقول بصريح العبارة ..
أنا : والله أنت كريم واحنا نستاهل ..ثانيا تراني مو راعي شروط وما أدري ايش لو تسوي العرس في السطح موافق لو تذبحون حمام ماعندي مانع خصوصا الحمام يمدحونه ليلة الدخله.
أبو أمل : الله يطولك يا روح ... انت ماتستحي على وجهك وش حمامه ياخبل هذيك الزغاليل يؤ يؤيؤؤ ...لحظة خلني انقلع أدخل اسأل البنت و ارجع لك <<< كب العشا ابو امل
أنا : لحظة إذا ما عليك كلافة يا عمي اطلب عصير كوكتيل حرق حلقي هالشاهي
ويدخل أبو أمل ويرجع بعد ربع ساعة وهو ضايق صدره
أبو أمل : البنت موافقة بس عندها شرط تبي تشوفك وتجلس معك خمس دقايق يعني تتعرف عليك
أنا : ( مطير عيوني ) وشو بنتك مرة بايعتها .. ما تبينا نطلع نأخذ لفة بالسيارة ..رح قل لها اها بس ما عندنا أولاد يجلسون مع بنات قصدي ما عندنا بنات يجلسون مع عيال قبل الدخلة ولا عاد تكررها أنت بعد عيب عليك شايب وهبيله ..
أبو أمل : اولا انا ماني شايب يالدايخ انا لسه في ريعان الشباب كلها ستين سنه وبس وبعدين البنت تبي تجلس معك تبي تعرف كيف تفكر وتشوف شكلك أول مرة أشوف و لد رافض انا ايام قبل فتح الرياض كنت اتمنى اشوف اي انثى ان شاء الله حماره وانت ترفض تشوف بنت
أنا : الحين متحقرص من يوم جيت ومستحي وشلون أقول لك أبي أشوفها ( ما يهمني التفكير ) أخرتها هي تجي ببساطة تقول أبى أشوفه وأجلس معه .. شف قل لها الرجال ما يبيك تشوفينه ولا تجلسين معه يقول خليها مفاجأة لين ليلة الدخلة ..بكرة وش أقول لأهلي وزملائي والله هي اللي طلبت تشوفني
أبو أمل : البنت مصرة تشوفك وتجلس معك شوي ليه أنت رافض ..فهمني
أنا : يا أخي قل لها ما حلق لحيته ما تزين ما صنفر وجهه ..تدرين وشلون قل فيه عنقز طاق وجهه كله
أبو أمل : أبشرك بنتي جايها العنقز من يوم عمرها أربع سنين يعني ما في مشكلة إذا مرتبك ممكن أجلس معك
أنا : مو قضية مرتبك ..بس من الحين تبي تمشي كلامها علي بنت اللذين ..تدري وشلون نادها أنا بتلطم ولاني متكلم ولا كلمة وخلني أشوف وش بتطلع به
أبو أمل : والله براحتك لحظة بأقول لها انك مستحي منها ..والله عشنا وشفنا العيال يستحون من البنات
ويدخل عمي أبو أمل وشوي وتدخل علي واحدة ما أدري من هي ووش تكون .. من الروعة حسبتها أمل و أعطيها ظهري وانزل رأسي في الأرض <<< ياعمري خجول انا
البنت : بابا هادا عسير كوكتيل انتا في يبجا ( طلعت الشغالة )
أنا : ( التفت عليها ) شكرا شكرا بس ما في حلاو ولا كيك ولا ايش أنا ميت من الجوع وش فيكم بخلا الا بسئلك يالخدامه ماسويتوا لنا ذبيحه <<< الشغاله افلقوني اذا فهمت علي ردت علي وقالت ستردي ستردي
وتدخل البنت وشوي ويفتح الباب و أنا داعس وجهي في كاس العصير الحس بلساني الباقي من العصير و اسمع صوت بنت ثانية
البنت : أنت الحانوتي اللي متقدم لي ..
أنا : ( شرقت في العصير ) وشو أنا ما تقدمت لأحد ولا سويت شي ابد أنتي من
البنت : يعني من بكون أنت ووجهك أنا أمل وشفيك رافض أني أشوفك واجلس معك خايف أكلك
أنا : ( عطيتها ظهري وبديت أتلطم ) وشو ما في شي ما قلت شي أبوك كذاب هذاني الحين معك في شي يعني شايفتني مرتبك ولا صاير علي شي ومن الرعشة صدمت في صينية العصير وطيحت الكيسان وين أبوك هاه وينه ناديه .. هالجبان وين رايح
البنت : ممكن تلتفت علي وتفك اللطمة شوي وتجلس بكلمك دقيقتين بس
أنا : ما أبى يعني ما أبي قسما بالله إن ما ناديتي أبوك أني لا أطلع من المجلس ولا ارجع أبد
البنت : هي تراك أنت الولد و أنا البنت ..يعني أنا المفروض أنا اللي ارتبك مو أنت
أنا : أنتي الحين شايفتني مرتبك ولا مهتز وش زيني كأني البخت الحمد لله أعصابي متماسكة لدرجة انحسد عليها
البنت : طيب خل نجلس شوي نتكلم ..إحنا بنتزوج بعض يعني لازم نعرف بعض أكثر ونفهم تفكير بعض أكثر
أنا : لا يا شيخه العبي علي بس ..أجل أمي وأمك وش يسوون داخل .شوفي كل تفكيري معلم أمي عنه يعني أي شي تبين تعرفينه عندك أمي اسأليها .. امي مثل الاستخبارات الامريكيه تعرف عني كل شي ...
البنت : طيب شكلك أبى أشوف شكلك وش فيك ..أنت ما تبي تشوف شكلي وش قصتك أبى أعرف
أنا : وشو ما فيني شي إلا بتطلعيني مرتبك وخايف وش قالوا لك ماني عارف أوقف على بعضي بالنسبة لشكلك وش بيصير أكيد لك عيون و خشم وفم زي الناس و أم سعد تقول انك حلوة خلاص يكفي بأطمع يعني
البنت : شف لو تسوي اللي تسوي بأشوفك يعني بأشوفك ( وتنط علي وتمسك يدي وأنا اصارخ )
أنا : وخري عني أقول لك وخري يمممماه ترى والله بأصرخ و ألم عليكم الجيران وين أبوك هاه وين أبوك ..وشوي ويدخل أبو أمل ويفكها عني وهي تصرخ ما راح أتركه لين أشوفه
أبو أمل : يا بنتي فكيه وش بيقول ولد الناس عنك .. ما صدقت على الله يجيها رجل
أمل : لا المسألة أبي أشوف وجهه مسوي لي فيها أخلاق ولا يستحي ايه هين ..( وشوي وتسحب شماغي ) هيي شفت وجهك شفت وجهك أثرك قطعه يا ابن اللذين
أنا : تتريقين أنتي ووجهك وأنت يا عمي يرضيك كذا من أولها
أبو أمل : امسحها في وجههي بس يعني بيني وبينك أنت قهرتها .. ثانيا أنت شفتها وهي شافتك يعني ما في مشكلة المهم نتفق على العرس ..
أنا : أي عرس و أي خرابيط واي امسحها في وجهك من كبر وجهك الحين الي كنه مراصيع جيزانيه وبعدين بنتك خلت فيها عرس ..شرفي وكرامتي وعذريتي وين اوديها وين احط وجهي بين المنتديات الان .... <<< بس اعجبتني حينها كلمة الان حسيت اني مثقف
أبو أمل : أقول انثبر بس أشوفك صدقت نفسك إذا هونت يالله أقضب الباب
أنا : لا وش دعوة ابشر طال عمرك ..
ونتفق على الزواج وصار كل شي بسرعة يعني بعد أسبوعين وبالتحديد يوم الأربعاء طبعا مسوي فيها أني ثقيل و أول ليلة ما نسوي شي بس سواليف ونتعارف على بعض وقبل ما تنام بستها على جبينها ( بشويش يالرومانسي ) ثاني ليلة اللي هي يوم الخميس بعد بغيت أسوى فيها رومانسية لولا أنها هي تصرفت من نفسها وضبطت الأمور أما يوم الجمعه جيت لها متحمس الساعة 10 .. والمح لها يعني أني تعودت
نياهاهاهاهاهااهاهاهاهاهاه اهاهاهاهاهاهاهاهاها
لا تنزعجون نكمل الباقي في الجزء الثالث
الحانوتي المبوساتي
