زميلتي النحيسه

حواء - الفراشة - لك

مرحبا بنات
بشاوركم بشي
انا معاي زميلتي بالقسم انحس ماخلق ربي!
طبعا عقب 10 سنين توني اكتشف هالشي
اجازاتها كله بالخش والدس مع انها المفروض تنسق معاي! واذا بغت مني اعلمها شغله او اذا تبي شي مني تعدل العلاقه قبلها! يعني تيي تسولف وتعزمني على الريوق
طبعا توني استوعب هالسوالف والا قبل عبالي على نيتها
المهم قبل لا اتزوج كانت دايما تطلب مني اجازات اذا وقتها نفس الوقت الي باخذه
سواء اجازه الصيف او العيد او اي شي
تييني تقولي انا ابيها وانا ملتزمه ويا زوجي ومن هالكلام
وانا ماكان عندي اي مشكله لاني ماكنت ملتزمه بشي
حتى كانت دايما تقول والله لما تتزوجين بتحسين فيها ان شلون لازم تنسقين ويا زوجج وجذي
المهم الحمدالله الله ستر علي وتزوجت
ودارت الايام وصارت عازتي بالاجازه عندها
طلبتها لان صادف شهر العسل مع اجازتها!
رفضت وقالتلي انها حاجزه مع زوجها وعيالها!
قتلها بس انا شهر عسل وما اقدر لازم قالتلي ما اقدر
قلت يمكن اهي صج حاجزه وماتقدر ماعليه
صارت هالسالفه مره ثانيه
قالتلي انا تعبانه وا اقدر اداوم وتخيلو ان ريلي كان حاجز حق السفر واساسا ماكان وقت اجازتها اهي كانت ماخذتها جذي حتى من غير ماتنسق معاي وقطتني على صخر، والله اذكر دقيت عليها وطلبتها وانا مفتشله لاني ما احب اناشب احد باجازته
قتلها ظرفي وانا ريلي حاجز وجذي
تدرون شقالت!
اسمحيلي ما اقدر!!!!!!!!!!!!
نعم!! لا وقالتها جني طاره منها
والله ما انسى اسلوبها
وانا وايد احتريت على عمري لاني كنت في قمة الادب وياها
اهني بس صكيت بابها
حتى سلام يالله اسلم عليها
كل شي يهون عندي الا الاحترام
وشنو نست انا شكثر كنسلت اجازاتي عشانها! واهي تجازيني بهالطريقه!!
طبعا الله مايخلي عبده!
دارت الايام وردت طلبتني لان هالمره السئول محرص عليها انها تنسق معاي عقب المشاكل الي صارت
يت قالتلي انا ابي اخذ اجازه هالفتره والمسئول قايلي انسق وياج
قتلها انا اشاور ريلي واردلج خبر
انا صراحه ما احب حركات اني اردلها السوالف الي سوتها لي
بس ابيها تحس باللي حسيت فيه
وابيها تعرف اني شايله بقلبي عليها عقب السوالف الي سوتها
ريلي طبعا لان اهو عاش معاي الاوضاع كلها لان كنسلنا سفرتنا جم مره والسبه اهي! فيقولي رديها وقوليلها انج تبين هالوقت عناد عليها
بيني وبينكم انا بعد ودي اسوي جذي بس ياربي ما اعرف اتنيحس
و والله قلبي يرقع ومختبصه مادري شلون بقولها الي قاله زوجي
شرايكم شسوي