الهلال - الزعيم - نادي الهلال السعودي - النادي الملكي - نادي القرن
<div>كنت أيام الشباب والصبا قبل خمسين سنة أعيش في قرية في أدغال القطب الشمالي..
وكان للقرية "وكعادة أي قرية" شخص يسمونه شيخ / عريفة / راعي.. إلخ
المهم الرجل هذا اسمه "مرعي" ويوم طلب يمسك المشيخة علينا رحبنا فيه وهللنا وقلنا له على الرحب والسعة وما نبغى منك غير شيء واحد تصير عريفة القرية بحكم القرآن والسنة فقال طيب..
كانت عندنا القرية فيها حالة ما يعلم فيها إلا الله من الفوضى والشيء اللي مطفشنا هو الفاصوليا اللي بهذلتنا..
رمينا في الأرض حبوب بطيخ طلع لنا فاصوليا
رمينا حبوب عنب طلع لنا فاصوليا
رمينا حبوب الأفيون :s2: طلع لنا فاصوليا
رمينا حبوب جزر "إذا كان لها حبوب" وبرضه طلع لنا فاصوليا
إلا أنه مع مرور الأيام جت بعثة من شعب الإسكيمو وقالوا يا جماعة الخير ترا الفاصوليا هذه أنتم لا تريدونها ولكن احنا نحتاجها عشان ناكلها.. تعرفون الفاصوليا تجيب الدفا وترطب المفاصل وتبعد الروماتيزم..
طبعاً احنا انبسطنا واعطيناهم من ذا الفاصوليا اللي ازعجتنا وملت الأرض على غير فايدة؛ وصارت قريتنا من الدول المنتجة للفاصوليا وبحمد الله وتجي فلوس كثير وهنا المشكلة..
طبعاً إدارياً وقانونياً الإسكيمو ذول ما راح يتعاملون معنا بل راح يتعاملون مع عريفة القرية ويسلمونه الفلوس ومرعي ما صدق أخذ الفلوس وحطها كلها في جيبه..!!
ما اهتمينا من الشغلة في البداية لأن الفاصوليا هذه صراحة ما كنا نتعب في تحصيلها ولهذا السبب ما كنا نحس بوجودها من عدمه فقلنا خل الرجال ينفع ويستنفع :s2:
احنا حاولنا نمشي أمور القرية ولكن الوضع ما يساعد.. فقريتنا فقيرة ما فيها لا أشجار ولا ثروة حيوانية ولا مصانع ولا أي مصيبة.. وكل ما حاولنا نزرع شيء يا ذا الفاصوليا تطلع لنا.. فبعد كم سنة الوضع بؤس وحالتنا حالة بينما مرعي كانت حساباته البنكية وصلت إلى أرقام فلكية..
والفلوس هذه ما أعطى أحد منها غير زيد وعبيد
وزيد هذا كان المطوع حق المسجد بعد ما طردوني من الإمامة :cry: لأني كنت أطول في الصلاة وبعض الأحيان أقرأ البقرة وآل عمران في ركعة ومرعي ما يحب التطويل
أما عبيد هذا فإنسان وصولي مصلحجي على قول أهل جدة يعني يتبع مصلحته.. وطبعاً مصلحته هي مع مرعي اللي جالس يعبي كرشه من اللحم والدجاج؛ فكان عبيد كل يوم يطلع علينا وهات يا مدح في مرعي.. مرعي راح مرعي جا مرعي طلع مرعي نزل مرعي استقبل مرعي ودع..:s2: وعبيد هذا على قلة عقله وعدم معرفته بالأمور الإدارية مع ذلك حطه مرعي وزير شؤون الفاصوليا
بعد كم سنة وصل الوضع في القرية إلى حال لا تطاق وقمنا أنا ومجموعة نبغى نتفاهم مع مرعي على الوضع ولازم ينتبه للقرية والكائنات الحية الموجودة فيه اللي اسمها بشر..!!
المفاجأة عندما تقابلنا معه طلع لنا بكلام كثير نصه ما فهمناه والنص الباقي فهمنا منه أنه يقول أن الفاصوليا هذه حلاله واللي الفتات اللي يعطيه لنا لازم نحب خشمه وصنادحه عليه لأنه تفضل علينا به..!!
طبعاً في ناس ما رضوا بالكلام هذا وردوا عليه على طول: يا مرعي اتقي الله.. إذا كان ربي مسلطك على بعض الناس بالقوة فلسنا سواء.. لأن أغلبيتنا ما قدرت تسيطر عليهم بل هم رضوا بك عريفة عليهم بشرط إنك تحكم بالدين
الكلام هذا ما عجب مرعي فحبس بعضنا وهدد البقية وقال يا ويلكم ويا سواد ليلكم لو حرضتم باقي أهل القرية علي..
ولأني سوسة :s2: ما ارتاح قمت أنا وبعض أصحابي ورحنا لزيد المطوع الجديد اللي مسك مكاني وشرحنا له حيثيات الموضوع وأنه لازم ينصح مرعي ويرده عن ظلمه فزعل عبيد واستشاط غضباً :s2: وقال: يعني أنتوا تظنون أني لا أنصح ولي الأمر سراً..؟؟ عليكم بالسمع والطاعة ولو أخذ مالك وضرب ظهرك..
طبعاً الكلام هذا ممكن يمشي على أي أحد ثاني ولكن لأني أنا مطوع قديم ما قدر يضحك علي مطوعنا هذا بالحديث ذا فقلت:
طيب النبي صلى الله عليه وسلم ما قال في حياته إلا هذا الحديث يعني..؟؟ في أحاديث كثير تتكلم عن الأخذ على يدي الظالم وأحاديث تتكلم عن العدل بين الرعية وأحاديث تتكلم عن شناعة الغلول وأحاديث تتكلم عن قطع يد السارق.. فأنت هدمت الإسلام كله وبقيت حديث اسمع وأطع..!!!!
رد عبيد:
- أنت حاقد ورافضي :s2: كلب.. اخسأ لن تعدو قدرك.. تريد الافتئات (يا رب كاتبها صح ) على ولي الأمر..؟؟
ما حبيت أطول معه في الكلام لأني أعرف أنه ياخذ راتب من عند مرعي وخفت يبلغ عني فأروح دار أبو سفيان :s2: على قول اخوانا القحاطين :smilie47::s2: فلميت كرامتي وطلعت مع أصحابي
بعدها بديت اشتغل وسوسة s121s في شباب القرية ولكن ياذا الغباء فيهم.. كل ما أقول لهم ترا مرعي سارق فلوسكم يقولون لا ما نصدق
ترا مرعي حرامي يقولون لا بالعكس هو أطيب إنسان في العالم ولكن المشكلة في بطانة السوء :s2: زيد وعبيد وهو - مرعي - مسكين ما يدري عن اللي حاصل في القرية ومشغول..
يا جماعة الخير مرعي لا هو عنده تجارة ولا عنده وظيفة ولا هو طالب في المدرسة ولا في الجامعة عشان نقول عنده دوام وأذية.. من الساعة احدعش الليل إلى احدعش الظهر راقد.. ومن احدعش الظهر إلى احدعش الليل راقد.. يعني مشغول طويل العمر في ايش عنا..؟؟
<div align="right"><font size="5">فأخذوا يردون علي بنفس الكلام بأني رافضي أريد فتنة ويقولون احمد ربك ترانا أحسن من الصومال :s2: وأنت تبغا قريتنا تصير فتن وغارات وسلب ونهب
