مسأعهـ.. بس على الطريقة الصحيه :*

حواء - الفراشة - لك

بسم الله الرحمن الرحيم ...


وايد ناس تحب " المسأعه " و هو طبق مصري الاصل ونسميه بالكويت |" طبق بيديان "
وانا عن نفسي اموت علييه :p


المهم الي راح نسويه بالمختصر و قبل المقادير.. طريقه اخف بوايد من القلي و دهن اللحم المفروم .. وبنفس الوقت احلى .. هالطريقه تعودنا عليها من ماماتي الله يخليها .. و العايله الكريمه كلهااا قام تسويها:ggdw:


المقادير :
باذنجان حبتين كبار او 3 على حسب الرغبه

لحم مفروم و يفضل طازج عشان نخفف كميه الدهن

بصله كبيره مفرومه و 4 فصات ثوم مفرومين

حبه طماطم مقطعه
علبه معجون الطماطم

ملعقه صغيرة فلفل اسود
ملعقه صغيره ملح
ملعقه البهارات السبع ( مخلط وجاهز و يعطي طعم يم )
ملعقه صغيره بهارات لحم
ملعقه شاي زيت نباتي لتحمير البصل و الثوم
كوب ماء ساخن وليس مغلي


طريقه التحضير :
يغسل الباذنجان ويقطع الى دوائر كبيييرة :p
تفردونهم على اي صينيه للفرن و تحطونهم بالفرن و تقلب للشوي الى ان تتحمر شوي بدووون دهن بدوون شي .. و صح بيلزق بس عادي خلوهم يبردون بيفج بروحه تقريبا .

نصفهم بطبق البايركس ...

نيييي للحم هم هم هم ..

نرش ملعقه شاي دهن يدوووب اقلللل من مسحه و نحط البصل و الثوم نقلبه لدقيقه ونحط عليهم معجون الطماطك عشان ينحمس شوي ونحط فوقه الطماط ونقلبهم لدقيقتين

نحط اللحم المفروم ونقلبهم مع بعض و نرش بهاراتنا الي قلت لكم اياها فوق و لريحه اللحم تقدرون تحطون رشه هيل او تقطون مسمار بس الهيل عشان ما يطيح بحلج احد لول
ونييب كوب الماء الساخن ونحطه بالتدرييج ونحاول نلين اللحم ونخليه يتسبك مع الخلطه على نار هاديه لين 20 دقيقه الى نص ساعه واذا نقص الماي مزيده

للتاكد ان اللحم نضى راح تشوفون طبقه دهن اللحم اطفحت وهاذي يا حلوين راح تشيلونها مع انها لذيذه بس تذكروا ان نبي شي صحي ..


ونصف اللحم بعد تصفيته من الدهن علي الطبق الي حطينا فيه الباذنجان ...

ونحطه بالفرن شوي 15 دقيقه شويه من تحت وشويه عالشوايه ...




وصحه وعاافيه :p