مايطرح دموع الرجال غير ثنتين
اغنام - ابل - دواجن - طيور
مايطرح دموع الرجال غير ثنتين
--------------------------------------------------------------------------------
مايطرح دموع الرجال غير ثنتين
ياصاحبي لاتزعجك دمعة العين
بعض الدموع تعقب القلب راحه
اليا نزلت من ضيقةٍ فالشرايين
يعود للقلب الحزين انشراحه
بلاك من دمعٍ محدر على وين ..؟
ماله بساحات الرجوله مساحه
اما نزل لعيون ساره وداريـن
والا بعد فوز الفريق ونجاحه
ما يطرح دموع الرجل غير ثنتين
ثنتيـن فيهـن دمعتـه مستباحــــه
الاوله:لامن غدا الليل ليليـــن
في ساعةٍ كلٍ هجع في مراحه
لا فز من نومه زبــون الامرين
واعلن مع الرحمن ساعة صراحه
عده سجين وقصته عقب يومين
لكن سبقه العفو واطلق سراحـه
والثانيه : لا فارق القلب غالين
فرقا ..مهي فرقا السفر والسياحه
فرقا الكفن...والمقبره...والمعــزي ن
فرقـــــــا سؤال المغفـــره والاباحه
في غيرهن يا صاحبي ريـح العيـــن
واستنقص الدنيـــــا وتـــزداد راحــــــــه
مما راق لي
