انحطيت في موقف صعب حيل وابي رايكم

حواء - الفراشة - لك

ماتوقعت ان اعيش هالتخبط النفسي والضياع مثل الي اعيشه


بقول التفاصيل وعطوني رايكم بكل صراحة

ووضوح وبدون اي افراط او تفريط


اعتبروني اختكم وجايه تطلب رايكم





في يوم من الايام شفت في جوالي رسالة انتي فلانه بنت فلان
رديت ايه
قال ان اعرفج من طرف فلانه تقرب له وسمعت عنج وحيل معجب فيج وانا وانتي نفس التفكير والطموح ويني عنج من زمان انا انسان مااحب الخرابيط وناوي اتقدم وارجوج لاترفضين وعطي نفسج فرصة ويشرفني ارتبط فيج
تجاهلت الرسالة ولارديت اساسا ماادري شلون وصل له رقمي
شكيت في قريبته بس ماحبيت اظلمها وانا اصلا علاقتي معها سطحية زمالة فقط لاغير
اعرف عائلته واتذكر قريبته تتكلم عنه وحيل احلامه وطموحه وتفكيره يشبهني
كأنه نسخة مني
على طول مافكرت في كلامه والااهتميت لان اصلا متزوج ومن منطقة ثانية
كل هالامور اسباب للرفض

بعد سبع شهور رجع رسل لي رسالة انا شاريج وموافق على كل شي تطلبينه
ادري انج عندج نية تدرسين برى وانا موافق اهد كلشي واجي معاج

ماقلت لااهلي ولاقلت لااحد خايفة اوافق واتوهق مع متزوج وادخل في مشاكل ومصاعب
واخاف ارفض واندم
قريت سورة البقرة واستخرت وحلمت ان شخص في المنام يقولي زواجج بعد فترة قصيرة

متردده ارفض او اوافق
قبل ماتسئلون عن العمر عمري 28 وهو عمره 30