وناسه شوفوني بس برد

تشاااو ..


حيا الله الاعضاء والعضوات ..



كل واحد له في هالعالم له احلام ..

وكل واحد يحلم على كيفه ..

<<< مافيه احد يتحكم بحلمك


فقررت اني احلم بحلم واشووف وش سلبيااته وايجابياته من وجهة نظري ..

<<<<اجل وجهة نظر ولد الجيراان


يالله سموا بالله وافصلوا سلك عقلكم المتحكم في النخاع المستطيل المؤدي الى البطين الايسر التنفيذي


--------------------------------------------------------------------------------


في يوم من الاياام وبعد حماام من الشمس الحااار وانا في الطريق من الجامعه الى البيت وقفت عند اشاره مرور ..

وغمضت عيوني احلم في الاكل وفي المكيف وفي الثلج والجليد اللي مافي امل نشوووفه

وانا في غمرت تفكيري نقز في تفكيري شي يسمي نفسه (( مش خشمك ))من اسمه دريت انه ماعنده ما عند جدة الهندي اللي واقف عند الاشاره ..

فقال لي : انت ووجهك ماتعرف تحلم زي النااس

قلت له : في احد شاور انت وخشتك

قال لي : اسمع لايكثر كلامك عندي لك حلم تحلم فيه وتنسى كل العالم ..


قلت له على يدك يالله ..

قال لي ماقد حلمت انك تطير ..

قلت له لا والله ماقد حلمت اطير يالله يالله اقدر امشي تبيني اطير ..

وبعد حوار دام بعضاً من الوقت اقنعني بوجهة نظره اني اطير ..

وقال لي سلم لي نفسك وانا اوريك وشلون تطير ..


بعد ماسلمت له نفسي اول شي سوينااه رحنا شريت ملابس طيراان ..

ووبعد مشاورات بيننا اتفقنا على وقت الاقلاع ..


ورحت ودعت الاهل والاصدقاء ومن يعز علي ..

واخذ معي احتياطات امنيه

(1) عدد 4 كراتين بندول
(2) شريط محمد عبده
(3) انترنت
(4) منظار المكبر

والله وأقلعنا ..

في بداية الاقلاع حسيت ان الوضع غريب ..


بديت اشوف اشيااء غريبه وعجيبه ..


بدايه من كائنات غريبه (( سحب على الانسان )) متجمعين على شي حديد منقلب وواحد طالع من الشباك .

في بداية الموضوع توقعت انه نمل ويبون يشيلون حبة كيكه ملفوفه في قصديره ..

لما حطيت المنظار المكبر دريت ان الي متجمعين معزوين على شرف واحد صادم !!


قلت يرجال تصير في احسن العوائل كمل طريقك بس ..

ومشيت اتمشى في الجو ومن مكان الى مكان الين وصلت الى مكان ينفجر وامة محمد متجمعه وشرار يطلع من المكان وناس يمشون في سياره ووراها الامه تمشي ..


في بداية الموضوع توقعت انه العاب ناريه للحفلات ..

لما حطيت المنظار المكبر دريت ان الالعاب الناريه بسبب تفجير ارهابيين والناس المتجمعه بايعه نفسه بترااب وجايه تتفرج لا والارهابيين مناحشين والناس تلحقهم قبل الشرطه ..


قلت يرجال تصير في احسن العوايل كمل طريقك بس ..


قلت خل اغير طريقي يمكنه وجه شؤم علي اغيره لطريق ثااني وادق اشاره يساار واسبح في الغرب ..


وقررت اني اسبح اوصل للجامعه خل اشووف شكلها من فوووق يمكن اتحمس وافجرها ..


لما وصلت للجامعه والقى اشيااء بيضاء تتطاير من شبابيك الجامعه ..

قلت يمكن الطلاب يرمون مناديل وكتب الجامعه ..


لما حطيت المنظار المكبر لقيت اللي يرمى من الشباك هم الطلاب والسبب معرووف " زحمه " وتذكرت 95 طالب في قاعه مساحتها 8 * 6 ..


قلت يرجال تصير في احسن العوايل كمل طريقك بس ..


وصلت عند المطار ولا قدرت ادخل لجو المطار من زحمة الطيارات المغادره ..

<<<< انا واحد منهم ..


قلت يارجال خلها تصير وين نروح له كل مارحنا لمكان عوائل عوائل وكل مارحنا لسوق قالوا نغازل واذا جلسنا في البيت قالوا نخطط على شي واذا درنا في الشارع قالوا سببتوا زحمه للناس واذا رحنا لمقاهي قالوا ضايعين ..

نصيحه " اذا كنت عندك لغه انقليزيه رح لاقرب دوله اوربيه مناخها بارد صيفاً وشتاءً برد على قلبك وتعال "


قلت لنفسي رح تمشى فوق الاحياء السكنيه يمكن تلاقي شي يلفت الانتباه ..

وصلت لمكان مليااان بيوت وبينهم نهر ولا نهر السين ..

لما حطيت المنظار المكبر لقيت ابو هنود فاك حنفية المويه ويغسل سيارة كفيله ..


قلت يرجال تصير في احسن العوائل كمل طريقك بس ..


وانا اتمشى في جو الرياض وصلت لاذني اغنيه من بعيد ..

لما حطيت المنظار المكبر ابي اسمعها (( عادي لاتشرهون من اللي شفته )) واسمع " خــلــيــك عــلــى الأرض لاتــعـــلـــى كــتـــيـــر "

واسمع معها صوووت ناااس تصاارخ وناس تسب ..



لما فتحت عيوني ..



لقيت الاشاره خضراء ..


والمسجل يصدح بـ " مافيه طير علا الا وأع بكيير "



مايستفاد :

(1) لاتغمض عيونك عند اشارة المرور مهما كان الثمن

(2) اذا جيت بتطير اشتر حبوب منع الترجيع

(3) اذا طرت تمتع بكل وقت في السمااء

(4) الجو باارد فووق اشتروا ملابس شتويه

الحمد لله على سلامة الوصول :كلوش:
ليش ما اخذتني معك :واء:

الحمد لله على السلامه

عسى ماتعبتي بس


هذا حلم عليه الكلام

ههههههههههههه

حلمـــــــــــــــك خطير شيء مو طبيعي
ترى الاحلام حلوه وبدونها مانقدر نعيش
أختك

انا اغيب القى العالم انجنت



الا شهار كم استقبلت حاله في الاسبوعين اللي راحن



اقول بس


انا اقول لاتحلمون ابد الحلم يضر بالصحه وبالاعصاب وبالخشم




صي يوووو