تكفي لاتصحيني

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وجتني تمسح الدمعه وقالت تكفى يادكتور= أبي شيٍّ ينومني وعن الالام ينسيني
غزالٍ زانها ربي بجمالٍ نادرٍ كالحور= إذا مني نظرت لْها احس بسحر يغشيني
وش اللي جابها يمّي وانا من قبلها مستور = ولا لي في طريق الحب أوعشق المزاييني
بديت اتفكّر بحالي وهي تنظر كما المبهور= ولا تدري وش الحاصل ولا ما يعتمل فيني
لقيت إنّي أنا الغلطان مافكّر يطيع الشور= ويبعد عن طريق البيض دام القلب به ليني
ولقيت إنّي طوال العمر ولو حيٍّ أنا مقبور= مدامي ما سقيت القلب من كاس المحبيني
وانا سارح بتفكيري كأني واحدٍ مسحور = واذا بالخادمه تاقف وباعلا الصوت تدعيني
وحسّيت الخطر حولي إذا جاوزت للمحذور= وقلت لْها اجلسي معنا ..اخاف ابليس يغويني
قبل ما أكتب الوصفة تبي تحليل للاشعور= ودراسة عقلها الباطن لعل القى البراهيني
على ذيك الأريكة تنسدح شمعة من البلور= بوجه كنه القمرا بوسط الليـل تهديني
وثغرٍ كنه الخاتم بعقد اللولو المنثور= وخدينٍ كما وردٍ تباهى بالبساتيني
احاور عقلها الباطن يجاوبني كما المخمور= جواب أول يضحكني جواب آخر يبكّيني
جوابٍ ثالثٍ يزعل ويصرخ صرخة المقهور= ويلطمني بكف الواقع اللي دوم يضنيني
جواب آخر يحيرني يغطسني بسبع بحور= جوابٍ سادسٍ ينوي بسهم العشق يرميني
الا يا عقلها الباطن تكلم واكشف المستور= لعل افهم حكايات الدموع بداعج العيني
نطق في صرخة المكبوت بالآلام كالمكسور = جحيمٍ كل زفراته مثل نشط البراكيني
عقدها الواضحه تشر على من طالها بالجور = وسلمها لطاغوتٍ تنكّر للقوانيني
وفجأة والحوار يدور توقف كنها المذعور= وتصرخ صرخة المقهور "متى يارب تنجيني"
وراحت مسرعة تركض تبي تنبش بقايا قبور= وانا احاول أهدّيهـا ولكن من يهديّني
غدت تركض وانا أركض وراها كني المسحور= اناديهـا واعاتبها واقول انتي تغثيني
وحسيت العشق يجري بدم الواهم المغرور= وثاري الحب متبادل وهي من قلب تغليني
تجوزنا وجبنا عيال وبنينا في الخيال قصور= وكبروا لكن الأيام ما ترضى تصافيني
ابي واحد يلاقي شغل بلا (واوٍ) تفت صخور= ويبني بيت يسكن به بلا قرض ولاديني
وبي التلميذ لو يقبل يكمّـل علمه المبتور= لعلّه يوم يتوظّف مثل هندي وفلبيني
وابي واحد يحصل حق ما يحتاج حني ظهور= وابي واحد بيعطي حق يقول الله يراعيني
وبي من ادخل المشفى الاقي إنسان في الدكتور= يعاملني مثل ربعه ومثل راع الفتاميني
أمـاني دايمٍ تحلم تموت ولا درت بالنور= وتبقى طعم في حرفي يحسّه من يخاويني
بلشت بنفسي وعيالي إذا من شفتهم طـابور= وحبيبٍ دوم بهمومه على كبري مشقّيني
يأست وقلت يا حبي بثلاث امشي ترى ذا الشور= وشوفي واحدٍ غيري ترى مافيني يكفيني
انا مالي سوى بوحي بشعرٍ يرفض المحظور = على شانك أعيش بحلم تكفي لا تصحيني [/poem]

صح السانك يا مبدع

الف شكر خيي

الله الله


الروعه .. الروعه

الجزله .. الجزله

صح لسانك يالقرم

فعلاً مذهل

ونص راقي .. ونقي من الشوائب

صح لسانك وسلم فكرك

أتحفتنا بهذه الدره

تقبل تقديري وأعجابي وأنصاتي أمام ما تكتب

أخوك

محمد الاسمري

لله درك لله درك


نص مذهل بمعنى الكلمه


وبحر لا أعلم اهو من الواقع أو نسج الخيال


ولكننا غرقنا بهذا البوح


لله درك ماذا أقول فهذا النص أكبر كثير من الوصف


صح الله لسانك

صـــــــــــح الله قلبك وفكرك ملايين اخي شاعر العثمانيات


وسجل أعجابي الشديد بهذه القصيده المليئه بالروعه والجمال


دمت لنا

الدكتور الرائع ورفيق الدرب






صح لسانك لاعدمتك


جزله من شاعر جزل


صح قلبك وكلك يادكتور عثمان

هلا فيك شاعر العثمانيات

مبدع بكل ما حوت هذه الكلمة قصيدة من نوعٍ خاص

استمتعنا بكل فصولها أجدت وتفننت في صياغة العبارات

ورسم الحروف فجئت بها لنا في ثوبٍ جديد وحلة أبهى

سلمت شاعرنا صح لسانك وسلم فكرك ودمتَ لنا


تقبل مني ومن الجميع أطيب و أعذب تحية

[align=center]مالفرق إن اتسعت اعيننا أو ضاقت

فنحن نرى كل الأشياء بأحداقنا

ونلمس ما نريد أن نراه

فمن أبياتك تتدلى الأفق من عناقيد الياسمين

صح لسانك [/align]

الا يا عقلها الباطن تكلـم واكشـف المستـور
................... لعل افهم حكايـات الدمـوع بداعـج العينـي

ياسلاام عليك ياشاع العثمانيات


لله درك

فـــ للحرف معك ابعاد كثيرة