سمين الهرج (مساجله شعريه بيني وبين الشاعر: محمد المضيبري)
قابلـه للنقد .. والتوجيه الهادف للإستفادة الأدبية ..
أسعد الله .. أوقاتكم بالمسرات ,,,
بماأنني هذه الأيـــام منغمسه .. في طرق أغراض المساجلات
يشرفني أن أهدي لكم
مساجلتي مع الشاعر ملك المعنى : محمد المضيبري
فكان الصوت الأقل من متواضع ..من قبلي ,,
ليرتد الصدى من قبل ملك المعنى
..
الصوت :
..
[poem=font=",6,purple,normal,italic" bkcolor="white" bkimage="" border="double,4,purple" type=2 line=0 align=center use=ex num="0,black""]
للعلم مبدأ صدقها والتواكيد = عن هزلها جزل البيوت النبيله
نتعب على در البيوت المواليد = وأنفاسها بإسمي ودم الفصيله
أشعلت من زندي شرار المواقيد = والنار من قدحة زنود الفتيله
ودعيت شعري وأمتثل دون تقييد = حر ٍ طليق الفكر ناتج حصيله
وسيّست بيته عن بعيد المناقيد = وصفحات تاريخ الجزايل كفيله
زعامة ٍ فالوقت مالدت لسيد = مثل الذهب فالصرف صرف الجزيله
ميرادها عذب العدود القراهيد= ولاّ روايح سحبها سلسبيله
من قدر بانيها تفوق المقاصيد = وأنفاسها روح الأداب الجميله
راعي سمين القول لاوصلت الميد =كنق المعاني والطروق الجليله
لمحمدالمعروف لمحمد عبيد = لأديبنا ذرب الفعول المهيله
لمحمد النشمي عن الغير تفنيد = لأخطل يمين الفعل راع الأصيله
فالصدر قدره والمكانه شواهيد = مكانة ٍ ماجت على أهون وسيله
لأسمه أدابه والأدب بإسمه أيشيد= واللي يعد الحق يرقى الطويله
أهل الوفاء من ساسها والتقاليد = من ساس رأس الجود فخرالقبيله
بيوتهم فوق الرفاعه مشاييد = لاد الرشيد أهل البيوت الظليله
كرامة الضيفان حيل ومفاريد= رووس الزعامه والوفاء والفضيله
وثايق التاريخ بصمه لها قيد = لاد الـ .. مضيبر والوغاء للصقيله
تأمن بهيبتهم على طايل البيد =رووس ٍ على فعل الشجاعه صميله
تروي كبود ٍ من عطشها ملاهيد =ماطالها فالرووس رووس ٍ معيله
أهل الحقوق اللي على وجه تحديد = مرجحين العدل في كف كيله
ياكنقها .. لارهيت مايستر الجيد = وصوغ الذهب لجرامها والثقيله
وفك القفول المغلقات المجاويد = ماهي على اللي مثلكم مستحيله
من صوغ ندّرهن حديث المفاريد = وتأويلها مابين يوم ٍ وليله
والعد لولا صدورها يالمواريد = عن دربنا ياسهيل وين الدليله؟
عن ثالث العيدين تخرج عن العيد = والسالفه موت الدخيله ذليله
لعماس رأس الطيب والكيف تقنيد = من دلة القيفان بنه وهيله
[/poem]
.
أختكم : أميرة القوافي
......
..
.
الصدى :
السلام عليكم ورحمة الله وبركاته
لقد اجتهدت في بعض الحصول على المعلومات أتمنى أن وفقن
وإذا لم يحالفني التوفيق فألتمس من أميرتنا وشاعرتنا العذر )
وحاولت التسرع في الرد لهفة للرد)
والرد قصرت فيها كثيرا أرجو المعذرة
.
.
.
.
.
[poem=font=",6,darkblue,normal,normal" bkcolor="white" bkimage="" border="groove,4,black" type=2 line=0 align=center use=ex num="0,black""]
نود الشمال يثير لو صاحبه قيد=علل دروبه يوم يطرق شليلة
طرقت مدلولك بحكمة من الكيد =ونبهتني المعنى الحياة الـــــمليله
دارت بنا علم المكايد على الحيد=واستنهضت بفكارنا من حصيله
على الوعد يامتعب الخيل بالبيد=هنا تواريخ العرب مع دليله
قريت مضمون الرسالة بتفنيد=وأعجبت من حرفه وفعل النبيله
أفكار من فكرك تعدل بها السيد=إبحار لين الفكر خبر قبيله
بعدك وقربك لكن الحق مايحيد=على الصواب الله يجمل مشيله
والله أقوله وأفتخر بالاجاويد=مثلك قليل وينقصك بالشكيله
إلا لياجينا الرجال البواريد=قبيلة ياحـــــيها من قبـــــــــيلة
عتبان لو حسبت عليها المقاصيد =حلوا عقود معقده بالعضيله
ساس الكرم ستر العلوم المناقيد=مثل المطر وفعولهم هي مسيله
شف بنتهم تعطيك برهان وتفيد=علم العرب ياللي مضيع مقيله
دربك خضر يجمّله بالمحاصيد=يروي ضماه ودرسها للعليله
والوعد عنده عهد من دون تأكيد=وأخباركم من فعلكم بالطويلة
الله يرجح كفت العدل تعديد=ويمحي علوم الميل هي والفشيلة[/poem]
أخوكم : محمد المضيبري
