العيد حل ولي مع العيد ميعاد

صباح الخيررر
وكل عام وانتم بخيرر وعيدكم سعيد ومبارك
ولي مع كل عيد يحل على الامه العربيه والاسلاميه طله بسيطه على كيف
مزاجي وتقلاباته الشعريه واتمنا لكلاماتي اقل الاعجاب والقبول واعذروني على التقصيرررر





[poem=font="traditional arabic,6,blue,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
العيد حل ولي مع العيد ميعاد =والي مايوفي بالوعد لايواعد
شاعر على نظم اجزل الشعر معتاد=ماهمني بالشعر واقف وقاعد
فوحت من شعري لادله وبراد =وقهويتها لاعماد اخوي ومساعد
والشعر له طعمٍ ونكهه ونقاد =واليا نزل غيري به اجيك صاعد
ودمشق بالتاريخ ابن عم بغداد =ومعاد لهل القدس فيها مقاعد
ويامسلمين الدين يحتاج لا جهاد =لاكن من يقدر يصفق بساعد
والكل من حقق نجاحات حساد=ونفس الحسود عن الردي ماتباعد
بعض الحسد يحسدك فرحتك الاعياد=وبفرش لك بهلسه حريراً وجاعد
مارجي من اضعوف العرب عون وسناد =مدام لي بالشعر ساس وقواعد
أثني على الله ثم وقفات الاجواد=أهل الكرم وأهل الوفا يامساعد
واهل الردى مابينهم لي مقعاد =مدام باقي لي تحرك سواعد
على دروب الطيب سرداد مرداد =وعلى عهود أهل الوعد فى المواعد
وناسٍ بهزل الشعر تدبل للكباد =بحيلهم من شعري أمر التقاعد
ماتعلمون الغيب ياحوال الارصاد =الله يكون بكل حال ويساعد
العز والقوه من الله ليا راد =ينشي سحابٍ فيه بارق وراعد
بمره يسوقه حيث ماراد ينقاد =منه الجبال الراسيات اتراعد
مهلك ثمود وقوم صالح وأهل عاد =بالريح والصيحه وصعق الرواعد
الكبر فى اهل النقص ماثمر ولا زاد= ينزل بهم من عاليات المصاعد
الله لهم مترصد بكل مرصاد=وانا مع اهل الصدق ليه مواعد
وفكري ببوح الشعر حرٍ بلاقياد =ومن شر يارب الحسد لي تباعد
الحر ماعمره ليا هد ماصاد = وحليا الرخوم عن الرخم مايباعد
ياللي تصيد الناس بكره بتنصاد= واحذر من الساعات هذي وصااعد
تبحث عن الما العكر به ثم تصطاد =وانته عظااامك يالضعيف اتراعد
والعيد حل ولي مع العيد ميعاد =والي مايوفي بالوعد لايواعد

[/poem]
وسلامتكم

صح لسانك يامحمد





والله يصلح شأن الامة







تقبل مروري ..

العيد حل ولي مع العيد ميعاد
والي مايوفي بالوعد لايواعد

مبدأ رآئع

صح لسانك يالجبريني

وكل عام وانت بخير

محمد الجبريني
صح لسانك

على هالقصيده الجزله

تقبل مروري

شاعرنا الجبريني

لا فض فوك،

وزاد محبوك

كلمات من قلب

وصلت الى الروح ..

فلك من ال غرابيل كل الود
مرحى للشعر حينما يكون صادقاً

ويخرج عفوياً كما جاد به الفؤاد

من روح كلماتك أرسل معايدتي للامة العربية ..

علها تصل مع نصك المفعم بالشوق واللهفة

http://s1.arab-box.com/i/00115/tb320w89qdol.gif

</B></I>

صح لسانكـ يا محمد..

تحيتيـ

الكبر********فى********اهل********الن قص********ماثمر********ولا********زاد ينزل****************بهم****************من ********************عاليات****************** **المصاعد

الف صح لسا نك وعيدك مبارك

صح لسااانك ملاييييين يالغلا

تقبل اعجاآآآآآآآآآآآآآآآبي

صح قلبك وكلك

وسلمت اناملك

جزله ورائعه

وكل عام وانت بخير


تحيتي لك

صح لسانك وأعتلا شانك .,
أبيات في غاية الذوق والجمال .,

سطرتها حروفك وعانقت أكايل الزهر .,
لك مني كل الاحترامي والتقدير على هذه أبياتك .,

والي ما يوفي بالوعد , لا يواعد ,,, صح لسانك ولاهنت

تقبل خالص تحياتي وتقديري

كم أرويتنا من لذيذ بوحك مايسعد الخاطر ويستهويه الضمير
رائعه رائعه رائعه....ماشاء الله كل ماحاولت أقتبس بيت أجد مابعده أجمل......
سلمت أناملك الكاتبه..وحرّمها الله عن النار
وصح لسانك.....شاعر ٌ جزل أبدع فأمتع بغزارة ْ قريحته المتدفقه...أسعدك المولى أينما كنت

الاخ الشاعر/محمدالجبريني اهنيك بالعيد كل عام وانت بخير

اتحفتنا بالجزاله كعادتك دائما

تقبل تحياتي

ياللي تصيد الناس بكره بتنصادواحذر من الساعات هذي وصااعد
تبحث عن الما العكر به ثم تصطادوانته عظااامك يالضعيف اتراعد
والعيد حل ولي مع العيد ميعادوالي مايوفي بالوعد لايواعد



فلسفة رائعة يامحمد



ودامت ايامك اعياداً




ارق تحية

ياللي تصيد الناس بكره بتنصادواحذر من الساعات هذي وصااعد
تبحث عن الما العكر به ثم تصطادوانته عظااامك يالضعيف اتراعد
والعيد حل ولي مع العيد ميعادوالي مايوفي بالوعد لايواعد



فلسفة رائعة يامحمد



ودامت ايامك اعياداً




ارق تحية