لو ضرب صدره وقال: بنتي فلانه لك ؟؟؟
السلام عليكم ورحمه الله وبركاته
ببدأ بالموضوع وأعتقد أن فيه من يتمناااااه بالرغم من وجود من يرفضه...
فرضنا كنت بمجلس رجال تحترمه وتقدره وله مكانه وهيبه وأنت قلت للحضور من باب المزح الله يرزقني بزوجة تملأ حياتي .. فجأه صاحب هذا المجلس ضرب بيده على صدره وقال لك يافلان ...بنتي فلانه لك
وأنت عزابي وعلى بالك وحدة ..أو عندك زوجه من كامل المواصفات وتحبها لكن الرجال عطاك بنته ايش بتسوي
بتقول لا ..صعبه تقول لا وتفشل الرجال .. قدام الحضور بالمجلس !!
ولا بتاخذها وماتصدق على الله أنك لقيت حجه للزواج وعروس خاطبتك مووووقف ولا أروع
كل واااحد يقول لي أيش بتكون رده فعله لو صار معه الموقف ...........
وانتِ يالزوجه لو جاك زوجك وقالك الرجال زوجني ومو قادر أقوله ماأبي بنتك أيش بتسوين
مثل هالمواقف تصير كثير وطرحت الموضوع عشان نتناقش فيه وأشوف إختلاف ردود الفعل من شخصيه لأخرى
رد: لو ضرب صدره وقال: بنتي فلانه لك ؟؟؟
تصدقين عاد انها ورطه من جد ...
بس عاد برقعها في نفس الموقف وبقول لي الشرف طال عمرك ...
واذا هو رجال كويس وعائلته كويسه واصيله ممكن يتم الموضوع ليش لا ...
تحيتي ...
رد: لو ضرب صدره وقال: بنتي فلانه لك ؟؟؟
ايه حاصله كثير
هالسالفه وخاصه بتجمعات الاستراحااات
خوي زوجي قالو له اخوياه لو تاخذ اخت فلان انا علي المهر
والثاني قال .... والثالث قال ...
وراحت فيها زوجته لانه كان متزووج
يووووه سالفه مالها داعي والمفروووض ماحد يمزح او يلعب او حتى كان جاد بهالامووور
بس العزابيين ماشوف فيها مشكله
المشكله اذا كان متزوج وعنده عيال
يعطيك العافيه وربي طرح مميز وجاااد
والله يكفينا من هالامووور
انا اذا حصلت لزوجي اذبحه قبل يعررررس
او حتى فكررر
فديته
تحيتي لك
رد: لو ضرب صدره وقال: بنتي فلانه لك ؟؟؟
اقتباس:
وانتِ يالزوجه لو جاك زوجك وقالك الرجال زوجني ومو قادر أقوله ماأبي بنتك أيش بتسوين
لاأعتقد أنه لا يستطيع أن يرده وهو متزوج وعنده أولاد ويعيش حياة مستقرة ولا يفكر بلحظة بالزواج من أخرى
وحصل هالموقف لزوجي بالطبع رفض بأسلوب لبق طبعاً << مايقدر:11retcher:
يعني الحين الناس صارت أكثر وعي من قبل وقلة نادرة مثل هالمواقف
أما لو كان مو متزوج فرصة وما عطاه بنت عطية إلا هو يستحقها
ويارب زوج كل الشباب اللي مو متزوج واللي متزوجين مافي إلا زوجتك :girl_guitar:
يسلمو على الطرح غلاي
رد: لو ضرب صدره وقال: بنتي فلانه لك ؟؟؟
لوكان متزوج طبعآ لا أأيد
لكن لو كان عزابي أعتقد أنه بيشتري راجل لبنته وأخطب لبنتك ولاتخطب لأبنك
بس هيدي كانت أيام ماكانت كلمة الرجل كالسيف الكل بيقدرها
هلأ لوحكي هيك راح يحكو شوف هيدا بيدلل ع بنته ولاتكون بنته مو طلب الشخص اللي استعدله يحكي هيدا بده يدبس بنته فيني
الوضع أتغير حتي بعض المبادئ أتغيرت مع تغير الزمن
موضوع راقي جدآ وعندي الكثير
فأعذرو استعجالي
رد: لو ضرب صدره وقال: بنتي فلانه لك ؟؟؟
رد: لو ضرب صدره وقال: بنتي فلانه لك ؟؟؟
الان الحمد لله اصبح العقل متطور نوعا ما في مجتمعاتنا المتحضره
اما البقيه فالله المستعان
مازالت تلك النظره التي تنظر لتلك الامور بمنطق فارغ
كيف في مجلس تهون زوجته عليه عشان ان الرجل طق صدره
بل بعضهم في كل الاحوال راضي
مهره المشاعر
الله يعطيك العافيه
