إهداء لقلوبكم الطهر هذا النص المتواضع ..
والذي يحمل معناه المستشف لكل شاعر ..
..
.
إن كـــان للـشـعـر المـسـمـى أمــيــره
___ يــوم الـسـؤال يـفـوح عـطـره نـفـاحـه
رأس ٍ قـصـيــده قــــدح مايـسـتـعـيـره
___ والـعذب مــره عـــن مـــوارد قـراحــه
كـــلاً عـلــى زنـــده وقـايــد شـريــره
___ وأصل الصراحه صدق وأساس راحه
الـصـمـت بـيّــح فالـخـوافـي سـريــره
___ والصـبـر مفـتـاح الـفـرج وإنشـراحـه
ماأحـد ٍ قـدر بالفـعـل يـحـدد مصـيـره
___ والثانـيـه مـــن ظـامــر الـســد بـاحــه
للسجـن سـور وخلـف الأسـوار ديـره
___ قضـبـان سـجـان الـنـظـام أستـبـاحـه
عـيّـت تسـيـر أقــدام رجـلـي أسـيــره
___ امام باب السجـن ...وضيـق أنفساحـه
الله ولا رأس ٍ يــخــونــه ضــمــيـــره
___ والـرأي بكـر الشـور عقـل ورجـاحـه
لا يـااريـج الــورد ...مــدري عبـيـره
___ ليـت الغمـوض ازداد وقـت أتضـاحـه
حـلاة سـرك... لا انقتـل وسـط بـيـره
___ مسجـون قلّـي كـيـف يطـلـق سـراحـه
لـكــن عـلــى الله يالـعـقـول الـكـبـيـره
___ هز السكـوت الصـوت وأعلـن كفاحـه
مـجـد ٍ تخـلّـد سـيـرتـه مـــن مـسـيـره
___ تــاج الفـخـر عــز ٍ تـلـبّـس وشـاحــه
اللـي عـلـى التـاريـخ والمـجـد سـيـره
___ عــوّد عـلـى المعـمـور يـهـدم نجـاحـه
ذل ٍ خلـف نصـر السيـوف الشطـيـره
___ وأقسـى مـن الواقـع كــلام الصـراحـه
لـــو للـتـجـارب خـبــرة ٍ فالـقـصـيـره
___ ماأجتـاج سيـل الــدم حـجـم المسـاحـه
وش عـذر قايـد فوجـهـا مــن وزيــره
___ اللـي بغيـر حـضـور قـلـب وفصـاحـه
وحكـم القـدر راضيـن شــره وخـيـره
___ والحـق مـثـل الـنـور مطـلـع صبـاحـه
يالله بــعــز ٍ يـنـجـبـر لــــه كـســيــره
___ ويالله عسـى عقـب المساعـي سماحـه
نـصــر الـعـروبــه فاليسروالـعـسـيـره
___ وقلـب ٍ مــن الـواقـع تضـمـد جـراحـه
حــل المـجـال وقـلـت كـلـمـه أخـيــره
___ ويالله عسى ختـم العمـل فـي صلاحـه
..
.
أميرة القوافي
