يا أخوي وشلونك؟؟
مشتاقة لك يا أخوي..
مشتاقة لمبسمك وعيونك..
فراغ الكون بعدك..
يا هو كئيب البيت من دونك..
يا هو مشتاق لجنونك..
لا تسألنا عن الحال..
حالنا يا بعد عمري والله حال..
تبي تسمع أخبار؟؟ تبي تدري ش اللي صار..؟؟
أنا بعدك كرهت المملكه ومافيها.
حتى شوارعها ومبانيها
انت بعيد يا أخوي لكن حسك مارحل....
تغني ..تضحك..وتسرح..
تعصب ..تتضايق ..وتفرح..
وإذا جاني الليل..أصير أسمعك أوضح..
تناديني..؟؟؟..يا عيني..
نامي..
ذبحك السهر يا بنت..
لا عاد هالأنترنت!!
خذا عقلك وتفكيرك..
هالمنتدى ماعندهم غيرك؟؟!!
تعالي نسولف شوي..
تعالي با أقول لك شي..
وأدري ماعندك شي..
تدري يا خوي؟!!
ألعب على نفسي..
أقول يا بنت أنسي..
بتمشي الأيام وتمر..وبيمشي العمر..
أكذب على نفسي أدري..
تونا بدري..
ماراح من الفرقى غير شهور ..
الله يساعد..الله يعين..
تدري ياخوي و ش بيدي الحين..
بيدي صوره من السنين..
وحنا صغار..
يوم كنا صغار..
ما عدنا الاثنين الصغار..
مشى الزمن فينا والوقت دار..
وصرنا كبار..
وتغير كل شي..إلا..
حطة راسي على كتفك..
ومسكة كفي لكفك..
كنت تطالعني..تبتسم..تشيلني ..وتقفّي..
آه يامقفّي..كنت دايم واقف بصفي..
تبي تسمع بعد أخبار؟؟
تبي تدري بعدك شاللي صار؟؟
أختك ..
سيرتها من مشيت..
ياليتني ماخليته يروح..ياليت وياليت..
وينه حبيبي؟؟وينه شمعة البيت؟؟
من أبسأل وين أنت؟؟وش سويت؟؟
متى راجع؟؟..ولاتتأخر علي..ومن وين جيت؟؟!!
لا تسرع وانا أختك..وشوي شوي إن مشيت..
وأبوك..
تصدق ياخوي ..توقعته أقوى..
أثره على فرقاك مايقوى..
كل يوم يودي بسيرتك ويجيب..
ولدي رجال..ما ينخاف عليه.
ولدي ذيب..
وأخوانك.
بقعدتهم خالي مكانك..
تعال وشوف حالهم في بعدك..
ملوا كل شي بعدك..
لا طلعات..لامشوار..
لا سهرات..لا نادي..
اول عيد من دونك ياخوي نقضيه اااااااااااااااااه
آآآآآآآه ولاسمعنا" الأماكن"..
ياهو يهتز فينا كل ساكن..
فيها مقاطع ودي أبو نوره مايقولها..
ودي أنها مايغنيها..
"الأماكن الي مريت إنت فيها..
عايشة بروحي وأبيها ..
بس لكن مالقيتك"
ليتك تشوف الحال ياخوي ليتك..
كنه أبو نوره مغنيها عشانك..
كنه داري إنه بيخلى مكانك..
وأحتريك..
أمر الاماكن.. لكن
مأآلاقيك..
"كل شي حولي يذكرني بشي..
حتى صوتي وضحكتي لك فيها شي..
لو تغيب الدنيا عمرك ماتغيب..
شوف حالي آه من تطري علي.."
فقدنا قعدتك معانا..
كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..
حتى قعدات العشا..
تذكر ياخوي؟؟
تذكر الجالكسي و قهوتنا والأخبار..؟؟
وين انت يالغالي؟؟
يقولون أبالغ وأكبر الموضوع..
ماشافو حالك وحالي..
يوم ودعتك وعيونك تلمع دموع..
"أشوفكم على خير..لاتبكون..وأدعوا لي"
الله ياخذك يالفرقا ذبحتيني..
بكل حملك هالمرة جيتيني..
الحين يعني ذكرتيني..؟؟
حطمتي قلبي..قتلتيني..
هديتي كل حيلي اللي فيني..
بقولك شي يافرقا..وطيعيني..
خذيني..ولأخوي ودّيني..
بعدين أنسيني..
يافرقا..تسمعيني؟؟!!!
"انسيــــــــــــــــــــن ي"
