شوفو اعلو م المشرفه العامه الله يهديها

السلام عليكم ورحمة الله وبركاته

هذي سالفه من واقع الحياه اللي حصلت لي قبل سنتين

نقاط القصه :

1) الفريده : اسم المنطقه اللي سكنت فيها
2) الوقع الجغرافي لها : قريه صغيره تقع غرب قريه العليا 90 كيلو يحدها شمالاً الرفيعه 25 كيلو وجنوباً السعيره 100 كيلو و7 امتار <<<< ياعمري يالدقّه :D
3) اقرب قريه لها : اللهابه 10 كيلو شمالاً
4) تسعيرة البنزين : تختلف التسعيره من منطقه الى اخرى <<< العن ام البخل
5) لايوجد فيها صرّاف آلي
6) الطريق رملي : يعني لازم جيب
7) الفلوس اللي كانت بالجيب : 117 ريال اونلي <<<< اخس يالبلبل
8) كان معي جهاز لاسلكي ( كنوود ) <<<< مهايطي


بدينا بالسالفه وتوكلت على الله مقضي الحاجات .. البنزين كان تقريباً اقل من الربع .. قلت ابـ اعبّي من اللهابه عشان هناك ارخص والفلوس قليله
جيت اللهابه .. وقلت وانا انفخ على الهندي .. عبّي فلّ .. قال : بابا مافيه بنزين .. قلت : والله النكبه
يعني لازم نرجع للفريده بس البنزين شوي مايرجعني للمنطقه ( الفريده )
فجأه وامسك الجهاز اللاسلكي .. وانادي على واحد ( شروا التماسيح )
ناديته وقلت له السالفه .. قال هذي ابرك الساعات اني اخدمك فيها ياجار
وقبل يجي قلت خلني اروح اصرف الميه ( خمسينين = عدد 2 خمسين )
وصرفت الفلوس وحطيت في الجيب الايمن 100 ريال ( خمسينين )
وفي جيبي الايسر سبعطش (17) ريال
المهم جاء الرجال ومعه جركل (40 لتر ) من البنزين الخالص <<< يعني ماهوب مغشوش خخخخخخخخ
دخّلت يدي في جيبي الايسر وخذيت ورقه وحطيتها في جيبه وقلت والله لتاخذها
صبّينا الجركل .. وقال ياولد مالها داعي هالفلوس .. قلت انت ماقصرت ولازم تاخذها خذها وهذا قليل في حقّك انت تستاهل اكثر من كذا
المهم رحت للسعيره عشان اعبّي بنزين بالفلوس الباقيه 67 ريال .. على انّي عطيته 50 ريال
وجيت راعي البنزين عبّي بـ 67 ريال .. الهندي عبّى وجاء ياخذ فلوسه
وانا احط يدي في جيبي ..
فجأه
لقيت الميه موجوده في جيبي الايمن
واحط يدي في جيبي الايسر والقى 16 ريال
يعني
والله الفضيحه <<<<< انحررررج بقوه
اثاريني عطيت الرجال .....
ريـــــــــال واحد بس
يعني تخيلوا .. هو يرجعلي الريال كم مرّه وانا احلف عليه واقول والله لتاخذها .. فرحان انا ووجهي :

طبعنا هذا مع السايق حقها :bleh:

ههههههههههههههههههههههههه ه

يوووه.. قسم احراج بقوووه..

الله لا يحطنا بمثل هالمواقف.. ^^'


بس سؤال محيرني.. وش دخل العنوان بالسالفه؟! :p




يعطيكـ العافية سنايدي..



تحيتيـ

ههههههههههههههههههههههههه هههههههههه

ليته بلع العافيه وسكت


عوافي الموضوع

ههههههههههههههههههههههههه هههه
اممممم الاحراج

يسلمو على الفرفشه

ههههههههههههههههههه

ودك انه يوم اخذ الريال انه اشترى كبريت من البقالة ، وجرب جودة البنزين وهو في تانكي موترك