لالا تضايق لو تردى قريبك!!!

السلام عليكم ورحمة الله وبركاته..
قصيده اجتماعيه .. على بعض اصناف المجتمع..ولاتعكس صورة الشاعر. اتمنى ان تنال على رضى الجميع..
[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لا لا تضايق لو تردى قريبك=وتجزع من الايام ويضيق بالك!!
حظ ونصيب ومن ردوات نصيبك=اللي خلط دمه بدمك وجالك!!
واكبر مصيبه في المجالس تصيبك=لامن حكى فيها عليك وحكالك!!
قصده يبين لك مع الناس عيبك=ويفرح لوان الناس تقطع وصالك!!
هذا ولد عمك وهذا نسيبك=من دقن عمك في شوارب خوالك!!
الدم هو يفري مع الناس جيبك=والا معا الاجناب وشهو غدالك!!
ان قلت ابصبر بين الوقت شيبك=وان قلت حد السيف جدك طرالك!!
ياذيب مابه ذيب يجاوب يقنيبك=تقنب على العليا لحالك لحالك!!
لوكنت تسأل عن علاجك طبيبك=احتار في داك ودواك وسؤالك!!
لولا صلة رحمك وطيبك يجيبك=ماحد على شانك وصلك وعنالك!!
ماهان راسك بالزمن غير طيبك=اصبر على بلواك واللي جرالك!!
البعض لوبان الخلل مايحكيبك=والبعض قدره تحت ماطى نعالك!!
شمات لوشاف العرب تعتزيبك=ويموت لاجاء بالمراجل مجالك!!
واجبه من دلتك باقي سريبك=دامه ضعيف النفس ماله ومالك!!
تدق صدرك والضماير تجيبك=بين السطور ومن كتبلك قرالك!!
بكره يبين لك مع الوقت غيبك=اللي على يمناك واللي شمالك!!
تلقى عدوك بالزمان وصحيبك=ومن غرته دنياه ومن هو صفالك!!
بطيب شب النار واستاق طيبك=تستاهل اهل الطيب صافي دلالك!![/poem]

صح لسانك مليون على الابداع

الشاعر عبدالمجيد
جلست ادور على ابيات اختارها
لقيت القصيده كلها وافيه
وكل بيت اقوى من الثاني
صح لسانك
قصيده جزله واكثر من رااااائعه
وفي انتظار جديدك

الف صح لسانك يالنشمي ووالله ما الومك

تقبل مروري المتواضع
اللؤلؤة

عبدالمجيد بن عريج


صح لسانك ملايين

كتبت فابدعت

بيض الله وجهك على هالرائعه

عبدالمجيد

اختيار موفقك للابيات كنها مسبحه بين اصابعك

تتلاعب بها . صح لسانك يالشامخ على الشامخه

كتبت وابدعت ولله درك ياشيخ

البلووي صح بدنك والله لايهنيك على مرورك الكريم


احترامي لك

جزله ومن شاعر جزل

لله درك

وصح قلبك وكلك

تحيتي لك