هذه قصيده مرثيه في صديق عزيزغالي على قلبي
تغمده الله برحمته
واسكنه فسيح جناته
محمد هضبان الشهري
امل ان تنال اعجابكم ودعواتكم له
يالله ترحم من غلبنا بطيبه=وتسكنه في جنة الخلد تسكين
امكرمن ضيفه بجهده وجيبه=ومكرمه ربه بتقواه والدين
الدمع من عيني تزايد صبيبه=ونهل دمعي مثل وبل الودادين
ساعة دريت عن الخبر والمصيبه=حلت علا نجدن وكل العزيزين
وبني قشير ولابتي من عتيبه=وسبيع والي عارفه من شهارين
ضاقت بهم دنياوسيعه رحيبه=من عقب موته والعزاءوالمعزين
عزالله انه هيبتن ثم هيبه=وعزالله انه من رجالن مسمين
وعز الله انه للخوي يلتجيبه=وعزالله انه للعداوالمعادين
سيفن على يمناك يذبح حريبه=محمد الهضبان ريف الضعيفين
وحصنن لربعه فالليال الصعيبه=ياقف مواقيف الرجال الشجيعين
ويالله ترحم من غلبنا بطيبه=وتسكنه في جنة الخلد تسكين
