صـــــــــــــــــــرخة غريــــــــــــــــــق .......بعد طول غيآب

صـــرخة غريــــق


احيان اعيــف الشعر واحسّـه يزيد الضيق ضيـق
واحيـــان لا والله احبّـــه واشعر بشــوق لمساه



يــوم انّها تأتيني الابيـــات وبصــدري حريــق
واســـجّ في دربٍ خـــلا والفّ شريــط الحيـــاه



تلـــفي كما يلـــفي بعد مــدّه لصديــقٍ صديـق
يفرح يسولف له بعد ما الكبت وصــل لمنتهاه



احــسّ بالوحـــده وبالغــربه وبالجـرح العميـق
والضيـــقه المقــرود ويـن يروح يلقــاها وراه



والدمعــه اللّي كلّ ما حـــاولت ارجّـعها تويـق
ما كنّـها الا طعنة السكّيـن وإحســاس الـوفـاه



واللّه يا مشــاعري في دآخـلي صرخــة غريـق
المنقـــذ اللي خابره مع زحمة الغرقـى نسـاه



واللّي عشق من قلب عنّـي من سكـاره مآيفيق
وشلون ينسى الآدمي شخـصٍ من اعماقه هواه



يابنت لو رحــتي زفيــر يرجـعك لي الشهيــق
والقـــآك معي بكل لحـظه قدمي بكــل اتجاه



غزيت لك وحـــدي وقابلني على بـابك فريـق
الحظ والعـــدوان وجحــــودك وعـــذّالي غزاه



ماهكذا ردّ الجميـــل ولا العشم فأوفى رفيـق
وقفت اناظر لك ورحلـــتي على خـــطّ المشاه



فـ ــآخر تقـــاطع بيــننا والكل منّا في طريـق
يآشيـــن لحظـــات الموادَع والمفـآرِق وآعناه



يآرب لآتحـــــرم فهالدنيا عشيـــقٍ من عشيق
سبحـــانك اللّهم انت اللّي تقـــدّرها النجــــاه



وارحمـــني إمن البهذله والهـمّ والجرح العتيق
انت اللي تعلم والبشر مغروره بضحــك الشفاه

منصور

اكتفي بقولي

انت جزل

ولله درك

صح لسانك
ابيات جزلة من فكر راقي

جزله ورائعه

صح قلبك وكلك

وسلمت اناملك

تحيتي لك

يالقبوري ياهلالبك يا هلا
ونوّر المتصفح بهذا المرور

يا ناصر ابن صالح الله يحييـك
شرّفتني ياجعل ربي يعافيك

هلا وغلا بالاداره في سما شعري
ومنـــــوّر مديرها بحظـــوره الراقي

أهلاً بعودتكـ منصور..


وكما تعودنا منكـ حروف رااائعة..

،،


واللّي عشق من قلب عنّـي من سكـاره مآيفيق
وشلون ينسى الآدمي شخـصٍ من اعماقه هواه

،


غزيت لك وحـــدي وقابلني على بـابك فريـق
الحظ والعـــدوان وجحــــودك وعـــذّالي غزاه


،،



صح لسانكـ..


سلمتـ و دام مدادكـ..



تحيتيـ

‘’




واللّي عشق من قلب عنّـي من سكـاره مآيفيق
وشلون ينسى الآدمي شخـصٍ من اعماقه هواه
وشلون ينسى الآدمي شخـصٍ من اعماقه هواه
وشلون ينسى الآدمي شخـصٍ من اعماقه هواه









الله عليك يآمنصور ، أبيات جميلة
أرويت بهآ الذآئقه بعد الغيآب ..
صح لسانك ،!

يا هـــــلابك يآ انيــــن الذكريــات
ويسعدك ربي على هذا المرور

محرّمه من دمعة العيــن ربي
يسعدك ومرورك يعطر قصيدي