حبيبي ساكن بوسط العاصمة (تأليفي)

حبيبي ساكــن بوسط العاصمه
وانا ولهان ومسكنـــــي بالجنوب
اسهر وابكــــي وافكاري هايمه
واشوف القمــر واتخيـل المحبوب
حزين ولكن اناظر الجبال الشامخه
ماهو من الحزن مير من غلات الحبوب
اتذكره وان ذكرته روحي طايحه
وعيني تهل والقلب يذوب
كل يوم وروحــــي رايحه
اسأل لوين تقول عن الحب ماتوب
مانام لكن عيني سارحه
بالزين اللي اسمه عالقلب مكتوب
القلب والروح بينهم مضاربه
من يحب اول والمهزوم مضروب
الاشواق بقلبي دوم حاضره
وانا عن الدنيا دوم محجوب
ودموع عيني دايم سايله
انتظر الزين هذا هو المطلوب
الورده بالرياض دايم عايشه
ولالي بالاكل ولالي بالمشروب
جالس على جمر الاشواق الحارقه
يقولون الوفا بالحب مطلوب
وانا حياتي عني ماهي داريه
فكرت ارسلها كلام مكتوب
واسأل اللي حالتهم مثل هالسالفه
يمكن احصل حل مع المحبوب
ياعين نامي عن السهر كافيه
وش سر الليالي والحب في صوب
دنيتي مابها رحمه ناسها قاصيه
وانا احب ولايدري المحبوب
روحي علي ماهي راضيه
والزمن وجهه علي مقلوب
حزين والحبيبه ببيتها ساليه
الناس تخفي اسرارها بالقلوب
يادنيتي مالك عليه قاسيه
كاني مجرم متهم ومطلوب
عيني بالليالي ماهي نايمه
بنيت برج الحب طوب طوب
حبيبتي معنى الغلا وبالقلب غاليه
احبها وماني على الحب مغصوب
بس الحب هي اللي تستاهله
وانا ناطر ووجه الزمن علي مقلوب
اتمنى يعجبكم مروري وابي ارائكم حول هذه القصيده ولو فيه نقد وشكرا

اقتباس:

---

القلب والروح بينهم مضاربه
من يحب اول والمهزوم مضروب

---

,
,
قمة العطاء في الحب

اقتباس:

---

واسأل اللي حالتهم مثل هالسالفه
يمكن احصل حل مع المحبوب

---

,
,
ماراح تلقى جواب لان كلن يشكي من الحب ويدور حل

اقتباس:

---

حزين والحبيبه ببيتها ساليه
الناس تخفي اسرارها بالقلوب

---

,
,
آآآه بس .. الله لايبيح منها قليلة الخاتمه





عاشق ومغبون .. صح لسانك ولو ان القصيده بحاجة الى اعادة النظر من ناحية الوزن ولكنها وصلت اللي في الخاطر

صح لسانك اخوي

وحياك الله بغرابيل

ياسلام ياعاشق ومغبون

صح لسانك

ومثل ماقال ابو ضاوي تحتاج للوزن

واعجبني تعليق ابو ضاوي المنطقي

مشكور اخوي ابو ضاوي ولكن يوم تقول عن الوزن انا اللي اعرف ان القافيه اهم من الوزن واذا اني غلطان قول ماعندك مشاكل ومشكورين اخواني على الردود المتميزه والله يحييك يابوعبدالرحمن والله يسلمك ياسامي