الله ياقلبً غدى منه نصه

الله ياقلـــــبً غـــــــدى منه نصه = ويـــــــصد لو جـــــــــاله ورى الناس حاجه

مايـــــــــلتفت في حاجة ًماتخصه = والهرج ف اللي مايخــــــــصك سماجــــــه

وليا ارتخا حبل اقرب الناس قصه= نفعة ضعيف الراس ضحـــــكت حجاجـــــــــه

اما غدى لك داخل الحلق غصه = وألا غدى جــــــــرحً صــــــــــعيبً علاجـــــــه

وان كان ما ف الحي عيناً مبصه = لاتسكنه يعــــــميك ناعـــــــم عــــجاجـــــــــــه

ولاتلبس الخاــــتم ليا طاح فصه = ولا تـــــــــشرب المالــح يغثك هماجــــــــــــه

وابنك على درب الرياجيل وصه = حتى يــــــــــميز مدخــــــله من خــــــراجـــــه

مبارك الغنامي
حياك الله وياهلا وغلا بك بين إخوانك وأخواتك
وتشرفت بمروري الأول على هذه القصيده
الشامخه والتي إحتوت على الشاعريّه الجزله
فـ صح لسانك مليون واكثر وأنتظر جديد شعرك
بكل شوق.

اشكرك اخوي عبدالرحمن الحميدي علي مرورك العطر ويشرفني تواجدي بينكم

ياهلا ومرحبابك يامبارك
بين اخوانك واخواتك في منتدى غرابيل الشامخ

قصيد ه رائعه كروعت صاحبها
صح لسانك وبيض الله وجهك يالغنامي
لاخلا ولا عدم

لاتلبس الخاــــتم ليا طاح فصه = ولا تـــــــــشرب المالــح يغثك هماجــــــــــــه


كلام يالشاعر


مبارك العتيبي ...


صح لسانك ولاهنت

يامرحبا يامبارك

عودا حميدا

وعساها آخر الغيبات


وصح لسانك ملايين ولا يكفون

ابدعت لاهنت

صح لسااانكـ يا مباركـ..

حروف من ذهب..



تحيتيـ

صح لسانك

الله الله يا اخ مبارك وبيض الله وجهك ع القصيده الجزله

اشكرك اخوي بيان على مرورك الكريم
وتمنياتي لك بالتوفيق

مشكور اخوي محمد ضاوي على مرورك الكريم وتمنياتي لك بالتوفيق

مشكور اخوي سامي العطاوي على مرورك وتمنياتي لك بالتوفيق

مشكورة اختي انين الروح على مرورج العطر وتمنياتي لج بالسعاده

مشكور اخوى قطاع عسكري كامل مرورك العذبتمنياتي لك بالتوفيق

مشكورة اختي الؤلؤة على مرورج العطر وتمنياتي لج بالسعاده