كلً بفعل يديه يرسم مصيره

السلام عليكم ورحمة الله وبركاته,,

أسعد الله جميع أوقاتكم بالخير والبركة,,

قصيدة حول الأحداث وهي وجهة نظر بعد ما قبلنا وجهات نظر مختلفة:

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ما طار طير الا وقع عقب ما طار = وكلً بفعل يديه يرسم مصيره
زين ومعمر ثم حسني وبشار = والزيدي الي لبسوه الجبيره
هذي نهاية من تنكّر للاخيار = وجنب كتاب الله وحكّم شويره
أعوام مرت يحبس الحق باسوار = وسيف العدالة ما يفارق جفيره
واليوم ثارت وانكر الظلم ثوار = أدنى الحقوق بلا رصاص وذخيره
أرجال دين وعلم وصغار وكبار = توافقت كل الوجيه السفيره
زنقه ورى زنقه ودارً ورى دار = والشكر موصول لقناة الجزيرة
الموت لا جاهم مثبط وخوار = قليل علم وفهم وأعمى بصيرة
بعض الشيوخ يدربي الناس فالنار = مدري وش الي حايكً في ظميره
يفتي وهو ما يدري الوضع وش صار = الجو صافي والمفارش وثيره
العلم وأهل العلم في كل الأمصار = ما هو ترى حكراً على أهل الجزيرة
دارت رحاة الوقت والوقت دوار = دارت ورد الثور وسط الحضيره
ما ني مجادل عن طواغيت واشرار = ولا هز قلبي شوفته في سريره
وما هي غريبه مثله اليوم ينهار = لانه عرف بان المظالم كبيرة
والي عثى بالشام ملعون الأطوار = الله يعجل طيحته والكسيرة
باكر يبي ينعق ومن غير منقار = باذن الولي أسوا مصيرً مصيره
والخاتمة سلّم على حامي الدار = أقصد أبو متعب نقي السريره
زبن الضعيف الي من الوقت محتار = حامي حمى شعبه بعينً سهيره
حنا نسير بظله عزاز واحرار = ونبغى لباقي العرْب نفس المسيره
لان الكرامة والعدالة فالأقدار = ما هي ترى حكراً على أهل الجزيرة
[/poem]

رابط صوتي للقصيدة :

ما طار طير.mp3 - 4shared.com - online file sharing and storage - download

وسلامة الجميع.

صح لسانك واعتلا شانك
وبيض الله وجهك قصيده من اجمل القصايد
لاخلا ولا عدم

دارت رحاة الوقت والوقت دوار
دارت ورد الثور وسط الحضيره

ياسلام ياعبدالمحسن


ابدآآع الله لايضرك

صح لسانك ملايين ولايكفون

وبيض الله وجهك

مبدع لاهنت

جزل يا عبد المحسن

صح قلبك وكلك

وسلمت اناملك

تحيتي لك

الشاعر عبدالمحسن المشاري
صح لسانك مليون واكثر
قصيده جزله ورائعه ولا هي
مجرد كلا م موزون ومقفى
لا حرمنا الله من جديدك.

العلم وأهل العلم في كل الأمصار
ما هو ترى حكراً على أهل الجزيرة

,
,

صحيح ياعبدالمحسن والف صح لسانك ولاهنت

اقتباس:

---

المشاركة الأصلية كتبت بواسطة بيان الغنامي

صح لسانك واعتلا شانك
وبيض الله وجهك قصيده من اجمل القصايد
لاخلا ولا عدم

---

صح بدنك ووجهك أبيض شهادة أعتز بها لا عدمناك ولا عدمت غاليك.

اقتباس:

---

المشاركة الأصلية كتبت بواسطة سامي العطاوي

دارت رحاة الوقت والوقت دوار
دارت ورد الثور وسط الحضيره

ياسلام ياعبدالمحسن


ابدآآع الله لايضرك

صح لسانك ملايين ولايكفون

وبيض الله وجهك

مبدع لاهنت

---

يا مرحبا بك سامي عساك دايم على القهوة وصح بدنك وجهك أبيض

وانت مدرسة إبداع وشهادت مثلك تنومس لا عدمناك.

صح لسانكـ يا عبدالمحسن..



تحيتيـ