يانزعة الروح يوم الموت ياتيها

السلام عليكم ورحمة الله وبركاته
ابيات متواضعه
اتمنى اتنال اعجابكم

من عفيف وشماله وقت الاسحاري
سريت والرجل متعبها مساريها

بليل ٍ سواده يسود و يوحش الساري
لا برق لا نجم لاقمرى و اباريها

لا ناس لا نور لا ا صوات لا طاري
أللا ديار ٍ خليّه من اهاليها

ياعين وينه هوى روحي ومشواري
الروح تضماه بعده من يساقيها

و الله طيفه معي و الليل سمّاري
ماغاب عني ولالحظه ولاامديها

اللا دموعي على ا لخدين مدراري
تسكب كما تمطر الغرّا بتاليها

رجعت ليلي كئيب و موجعي زاري
واسوق رجلي وتتعثر خطاويها

ياوين دارك ووّينك ممبعد الداري
حظ الاماكن برجلك يوم تآطيها

يالهفتي ياشقاي وجنتي وناري
يانزعة الروح يوم الموت يآتيها

تليق بك مفردات حروف الاشعاري
بنظمها فيك وفيك اجمل معانيها

تدهش كذا مستمع و ايضا كذا قاري
وتجلب لعينه كذا دهشه لقاريها

يا غايتي يابعد كلي و مقداري
ماترخص الذات اللا حب غاليها

وجيه بعض الوجيه تّدير وتداري
لي هقوة ٍ تختلف ماهي هقاويها

وسلامتكم

سهم عتيبه ...


صح لسانك ولاهنت

بدايه جميله ومتابعين لك

اتمنى تزويدنا بالاسم الصريح لبقاء القصيده في القسم

جزل يا سهم عتيبه

صح قلبك وكلك


وسلمت اناملك

ومتابع لقلمك


تحيتي لك

اقتباس:

---

المشاركة الأصلية كتبت بواسطة محمد بن ضاوي

سهم عتيبه ...


صح لسانك ولاهنت

بدايه جميله ومتابعين لك

اتمنى تزويدنا بالاسم الصريح لبقاء القصيده في القسم

---

صح بدنك

ودام وجودك بذا المنتدى الاكثر من رائع

اما بالنسبه للاسم

ضروري الاسم الحقيقي
كنت اكتب عندكم سابقا
بسمي الحقيقي
وانقطعت لضروف تحكمني
جعلتني في حالة انقطاع عن هذا المنتدى
الرائع

وانا أتاسف لكم ولجميع الاخوان والاخوات عن هذا الانقطاع
الغير ارادي
وابعدني عن هذا المنتدى

احترامي وتقديري للمرورك الكريم

اقتباس:

---

المشاركة الأصلية كتبت بواسطة أبوعبدالرحمن

جزل يا سهم عتيبه

صح قلبك وكلك


وسلمت اناملك

ومتابع لقلمك


تحيتي لك

---

صح بدنك
احترامي وتقديري

يسعدني مرورك الكريم
جل احترامي

تحيتي

&& سهم عتيبه &&

صح لسانك ودام نبضك

قصيدة رائعة


واصل والله يرعاك


أختك : أم تركي

وجيه بعض الوجيه تّدير وتداري
لي هقوة ٍ تختلف ماهي هقاويها

صح لسانك ياسهم عتيبه
وبيض الله وجهك قصيده رائعه
تجبرنا على المتابعه
لاخلا ولا عدم

صح لسانك,,,قصيدة مميزة,,,لا هنت

سهم عتيبه


ياهلا والله ومرحبا

وصح لسانك ملايين


اتمنى تزويد الاداره بالاسم حتى يتم اعادة القصيده للقسم


اعذرني على النقل

صح لسانكـ سهم عتيبة..

رائعة..


تحيتيـ

اقتباس:

---

المشاركة الأصلية كتبت بواسطة فاتن الهنيدي

&& سهم عتيبه &&

صح لسانك ودام نبضك

قصيدة رائعة


واصل والله يرعاك


أختك : أم تركي

---

الاخت ام تركي

تواجدك هاهنا

هو الاروع والاجمل



دام حرفك

ودمتي لهذا المنتدى

اقتباس:

---

المشاركة الأصلية كتبت بواسطة بيان الغنامي

وجيه بعض الوجيه تّدير وتداري
لي هقوة ٍ تختلف ماهي هقاويها

صح لسانك ياسهم عتيبه
وبيض الله وجهك قصيده رائعه
تجبرنا على المتابعه
لاخلا ولا عدم

---

اخوي بيان الغنامي


ووجهك ابيض

ولاهان تواجدك هاهنا

دام حرفك ودمت لهذا المنتدى

اقتباس:

---

المشاركة الأصلية كتبت بواسطة أنـ الذكريات ـين

صح لسانكـ سهم عتيبة..

رائعة..


تحيتيـ

---

الاروع والاجمل

تواجدك هاهنا

دامت حروفك لهذا المنتدى

لاهنتي احترامي وتقديري