قامت تصافق بي معاصير الاوهام...والوقت من كاس المراره سقاني

[align=center]مرثية في النقيب سطام بن دحيم (رحمه الله)[/align]
[poem=font="simplified arabic,7,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

قامت تصافق بي معاصير الاوهام=والوقت من كاس المراره سقاني

وتلخبطت فالعين والروح الارقام=وأنهارت من الكون كل المباني

أدف خطواتي ويا ثقل الاقدام=مالي على بحر التحمل مواني

تزلزلت بيداي وش عذر الاقلام=عن وصف هاك اليوم يومه غشاني

يبست حروفي يوم حكم القدر قام=وضياعي اقبل يوم كلن لقاني

يالموت قلي وش تبي عند سطام=أخذته وقفّا وأنا في مكاني

أخوي وأخويه معه كل الاحلام=ماظني ألقى له مع الوقت ثاني

قبرته بصدري قبل يلبس الخام=وضميته وصوت الغلا فالمحاني

موته كسرني وأرغم العبره أرغام=مثل الغرير ابكي وكلن قراني

اركض ورى طيفه مع إسباق الايام=وإليا شرد فكري بصدري دعاني

والله لولا الخوف يا دين الاسلام=إني لحفر القبر مما بلاني

وأجلس معه لو جلستي عشره اعوام=ماكنها ألا عند قبره ثواني

ما أظن به شرهه ولاني بملام=سطام غالي وأذكره ما عصاني

من صغر سنه هقوته فوق الاحجام=بعيد نظره لكن العمر فاني

كان ولدي وإن قلت ياخوك قدام=قال أبشر بعزك وقام ونصاني

ثم حب راسي حبة حشام لحشام=وعرف كلامي قبل ينطق لساني

هو راس مالي ساعة ظروفي إحيام=أنصاه وألقى به جميع الاماني

لكن خذاه الموت وعياله أيتام=وأنا اليتيم وكل ضيق أحتواني

ماعاد باقي لي مع الشده أحزام=أمشي لحالي ماش قاصي وداني

الله يعوضني بعد مات سطام=بأبنه مشاري والعوض في زماني[/poem]


[align=center]مرزوق بن دحيم[/align]

الله يرحمه ويغفر له والله يعوضك
ولايوريك مكروه وحنا واخوانا المسلمين

صح لسانك اخوي الكريم

:tears:

الله يغفر له ويرحمه ويسكنه مساكن الأبرار و موتانا و موتى المسلمين..

و يجعل لنا بهم لقاء في جنات النعيم..

آآمين..


صح لسااانكـ أخوي..

راااائعه..



تحيتيـ

لكن خذاه الموت وعياله أيتام
وأنا اليتيم وكل ضيق أحتواني
,
,

إنا لله وإنا إليه راجعون ولاحول ولاقوة إلا بالله


مرزوق بن دحيم ..


احسن الله عزاك وجبر مصابك وكتب لك اجر الصبر


صح لسانك ولاهنت

إنا لله وإنا إليه راجعون ولاحول ولاقوة إلا بالله


مرزوق بن دحيم


احسن الله عزاك وجبر مصابك وكتب لك اجر الصبر

وصح قلبك وكلك


تحيتي لك

إنا لله وإنا إليه راجعون


اسال الله العظيم ان يتغمده بواسع رحمته

وان يسكنه فسيح جناته

ويعوضكم خيرا

وان يجمعكم في جنته


صح لسانك يامرزوق

لاهنت

الله يرحمه ويغفر له
ويتغمده بواسع رحمته
ويعوضكم خير
وصح لسانك مليون واكثر.

الله يرحمه ويعوضك بمشاري
وانا لله وانا اليه راجعون
احسن الله عزاك
وصح لسانك

الله يرحمه ويغفر له
ويتغمده بواسع رحمته
ويعوضكم خير
وصح لسانك مليون واكثر

الله يرحمه

قصيده جزله

صح لسانك