كـســور سنينـــــــــي

السلام عليكم اعضاء وزوار غرابيل
متواضعه راجيه القبول

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله وذكرك بلسم لكل مجروح=يامرهيٍ حتى على الملحد التِّبْر
يا مشْبع القطعان لا راحن سروح= ومنها بفضلك دسّم انيابه البَبْر
يالله ترحم ضعفي بنزعة الروح=وتعفي ضلوعي من قسا ضمّة القبْر
ولاصير يوم العرض فالنار مطروح=لا حي لا ميّت ولا ينفع الصَّبْر
ما احصي خطايا خلّت الخافق ضروح=لو الشجر أقلام والبحْر لي حِبْر
من الذنوب الروح مليانه جروح=ولا به دوا يالله ناجع سوى عَبْر:
مغفرْتك ,ولا غيرها تشفي قروح:=معاصي ,اكتسحت هوا النفس من كُبْر:
لهوٍ, تراوالي بداياته فروح=لكن نهاياته تجرّعتها صِبْر
اللهو خبري يجعل الصدر مشروح =لكن طغى ضيقه ولا جا على الخُبْر
فاس الجهل يا كثر ما هدّم صروح =بنيانها افعال الفضيله شِبِر شِبْر
يا منْزل القرآن معْجز ومشروح=امنح كسور سنيني برحمتك جَبْر
عفْوك بروح وعمري الباقي بروح=ادفع به ولا اذوق عن رحمتك ثَبْر
ساجد على بابك مذله ولا اروح=ألين ترحم قلب خالي من الكِبْر
وان ما لطفت بحالي بنزعة الروح= ياويل عظمي من قسا ضمة القبْر
[/poem]

بدر ناصر المورقي

جزل يا بدر

صح قلبك وكلك

وسلمت اناملك


ودما بانتظار جديدك


تحيتي لك

صح لسااانكـ يا بدر..

رااائعه..


تحيتيـ

صح لسانك يابدر
وبيض الله وجهك والله لايهينك اخوي

اللهم ارحمنا وتجاوز عنا برحمتك يارب


بدر المورقي ,,

جزاك الله كل خير وصح لسانك

الله يرحمنا برحمته

بدر المورقي

صح لسانك ملايين


مبدع دآئما لاهنت

صح لسانك

ودام حرفك

لاهنت

&& بدر المورقي &&


قصيدة رائعة بكلماتها ومعانيها


أسأل الله العظيم رب العرش الكريم أن يغفر لنا ولكم ويجعلنا من عتقائه في هذا الشهر الفضيل



صح لسانك ودام نبضك



أختك : أم تركي

صح لسانك يابدر
ولاعدمتك مبدع وقصيده
جزله صح لسانك.

الغالي ابو عبدالرحمن

شرفتني بمرورك الكريم واطرائك العذب

صح بدنك وبيض الله وجهك

تحياتي