كل عام وانتم بخير وجعله يعيده علينا وعليكم بصحه وعافيه
انتشرت قصيده لشاعر قطري بدون اسم وفيها من التجريح للجيره بين دول الخليج
وهاضت القريحه بها الابيات المتواضعه رد على كل من ينهج منهجه
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ردِ على اللي يمتدح في عمامه = لوكان مايحسب لهم زند وعضود
من يوم ذا حتى ليوم القيامه = لابان له فعلاٍ وشكرٍ ومجهود
مايدري ان موج البحر والتطامه = ماهوب يركد لين ياقف له العود
خادم بيوت الله بعزم وصرامه = سور الخليج وباب الاشرار مسدود
منبع صناديد الوفاء والشهامه = من طيب راسه كل شعبه له اجنود
لولاه كم قصرٍ يعود هدامه = فاروق حق ولاوقف للعدا طود
هذا وحنا نعتبرها غشامه = من واحدٍ لاراح ماهوب مفقود
لو شب حربٍ مثل حرب الرغامه = الامر لاهل الامر والنصر موكود
وانا الساني مايفطر صيامه = كلمة سفيهٍ بين اذانيه عبرود
شعب الخليج اللي يريد انقسامه = نقوله يقطع وفي عينه العود
نوط الشجاعه مايلبس وسامه = الى اللذي في كفه الراي معهود
الشعب لاقسم يكود انظمامه = ماهو عنب ينشال عنقود غنقود
والدين حبله مايجوز انفصامه = والعلم ماهو عند حامد ومحمود
عند المليك الي وهو في فطامه = اعظم دول تعطيه ميثاق وعهود
ناقف سوا لامن دعتنا المنامه = لعيون ابو سلمان خلق الله شهود
درع الجزيره سعد منهو حزامه = دون الحدود يجود ويسود ويذود
سيف العداله غير عود الثمامه = وحمد ملك من قايد العرب مسنود
هزة رياح الشوق عود البشامه = وباح الضمير اللي من الغبن ملهود
يدس راسه مثل راس النعامه = من طبعها المعهود لاهبة النود
[/poem]
وسلامتكم
