من لا يقول الحق في وجه ظالم
السلام عليكم اعضاء الصرح النايف ومتواضعه ترجي القبول
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من لا يقول الحق في وجه ظالم=ظلمت وجه الحق لا انعد رجّال
واللي بِقول الحق تلقاه والم=رجّال لكن حق عن عشرة ارجال
الحر سيف لشفرة الظلم ثالم=عونٍ مع العدل وعلى الظلم سلّال
واللي يتاجر في هموم المظالم=برماح دعوات المظاليم ينطال
ومن لا يجيب العلم من راس عالم=قهواه من دلّة هل الجهل فنجال
لا يفتكر بانّه من الجهل سالم=ساحب ذيول الجهل من روس جهّال
والغدر لقلوب المشاكيل كالم=والجرح كنّه غيم بالغبن همّال
الشهْم ويّا الغدر ما ينتوالم= الا إذا أَمّ المصلّين تمثال
لو ما انغدر بكليب ماثار سالم=ولا ينكتب بالدم لا اتصالح انذال
واللي على العيلات دايم مسالم=داس السّطر وانداس باقدام عيّال
يسامح بثنتين شيمه وإذا لم=يبين فضله فيهم ايثور ريبال
والطيب طود اسمه فريد المعالم=بعيون هامات المراجل له اجلال
واللي بدون افعال يرقاه حالم=لازم فعول اصدق من فعول زلزال
فعايلٍ من كل عيبٍ سوالم=ما كنّها الا ديمه امطارها انفال
منها الصحارا الجدْب تحيا عوالم=وارمالها تلبس من الخير سلسال
حينه يكون الطيب شكْل السلالم=يرقى بفعله فوق راسه ويختال
ورجلٍ بدون افعال للنفس ظالم=ولطمت وجه الحق لا قلت رجّال
[/poem]بدر ناصر المورقي
رد: من لا يقول الحق في وجه ظالم
صح لسااااانكـ يااا بدر..
جزل.. و مبدع..
تشرفت بالمرور الأول على هذه الرائعه..
تحيتيـ
رد: من لا يقول الحق في وجه ظالم
جزله من راس جزل
صح لسانك وكلك
مبدع والابداع حليفك دوما
فائق تقديري
رد: من لا يقول الحق في وجه ظالم
ومن لا يجيب العلم من راس عالم
قهواه من دلّة هل الجهل فنجال
ياسلام يابدر
صح لسنك ملايين ولا يكفون
مبدع لاهنت
رد: من لا يقول الحق في وجه ظالم
جميل جداً حرفك يابدر
كتبت وامتعت لا أخفي عليك
أن كل من مر من هنا سيقرأ
شعراً في أجمل وأجزل حالات
الشعر.
بدر بربك لا تحرمنا جديدك وتقبل
ودي وتقييمي لقصيدتك وانا أنتظر
جديدك من الآن.
رد: من لا يقول الحق في وجه ظالم
رد: من لا يقول الحق في وجه ظالم
بدر المورقي
صح لساااااانك مليون
سلمت يمناك
سلام..
رد: من لا يقول الحق في وجه ظالم
صح لسانك وبيض الله وجهك
قصيده رائعه كروعتك
رد: من لا يقول الحق في وجه ظالم
جزل يا ناصر
صح قلبك وكلك
وسلمت اناملك
تحيتي لك
رد: من لا يقول الحق في وجه ظالم
اقتباس:
واللي بِقول الحق تلقاه والم
رجّال لكن حق عن عشرة ارجال
والطيب طود اسمه فريد المعالم
بعيون هامات المراجل له اجلال
انشششششهد
صح لسانك مليون
مبدع الله يعطيك العافية
رد: من لا يقول الحق في وجه ظالم
واللي يتاجر في هموم المظالم
برماح دعوات المظاليم ينطال
,
,
بدر المورقي ..
الف صح لسانك ولاهنت
رد: من لا يقول الحق في وجه ظالم
العزيز انين الذكريات
شرفتني لاعدمتك
وصح الله ابدانك
تحياتي
