مـع هجعـة اللـي يختـفـون أول اللـيـل

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] مـع هجعـة اللـي يختـفـون أول اللـيـل=الـغــايــبــه دايـــــــم يـغــيــبــون مــعــهـــا
الـنـفــس تــاقـــت لـلـسـمــر والـتـعـالـيـل=والعيـن أشـوف النـوم خـالـف سنعـهـا
وطاب الجلوس بجانب النـار ياشعيـل=وحـط الحطـب فـي ترعـة ٍ مـن ترعـهـا
وإلـيـا اسـتـوى للجـمـر فيـهـا دحـامـيـل=وأقـــبـــل تـواهـجــهــا وقـــفـــى ولــعــهــا
درج على المحماس من غير تعجيـل=بــــريــــة ٍ دوب الــيــمــانـــي قــطــعــهـــا
أول قــطــاف ســفــوح شــــم الأقــاذيــل=اللـي جـذا حـوم الـوحـش عــن فرعـهـا
شــــم يـسـاقـيــه الـســحــاب بـهـمـالـيـل=لــيــن يـتـحــدر سـيـلـهـا مـــــع تـلـعـهــا
وتـــــرى لحـمـسـتـهـا نــظـــام ودوالــيـــل=وشريـعـة يمـشـى بـأثـر مــن شـرعـهـا
أول بــدايــتــهـــا مــــدافـــــع مــخــالــيـــل=ومـســرى جمـامـيـل ٍ بـغـالــي سـلـعـهـا
وسوق ٍ كما سوق الجمال المحاميل=مـــازال حـمــوى الـنــار مـاقــد لـذعـهــا
وإلـيــا تـطـلـق مـــن شـذاهــا زعـاجـيــل=وبشت عرق واللـون الأشقـر نشعهـا
فالـحـال سهلـهـا عــن الـنـار تسـهـيـل=حـتـى لـظـى المـحـمـاس مـــا يـدّرعـهـا
وغير لها يا شعيل مسـرى الجماميـل=بـــطــــراد زلــــبــــات ٍ تــــزايــــد فــزعـــهـــا
تـدريـجــة الـحـيــران ومــطــارد الـخــيــل=هـــــذي طـريــقــة حـمـسـهــا واتـبـعــهــا
وعقـبـه تميلـهـا عـلـى الـنـجـر تمـيـيـل=جـــذاب روس الـقــوم مـــن منتـجـعـهـا
عوايـد لــه مــن عـلـى سـالـف الجـيـل=مـــاهـــي حــديــثــه تـــونــــا نـبـتـدعــهــا
ومــن يــوم تنعمـهـا فـــدوك الدعـابـيـل=فـوق أصهـب اللـون الربـيـب تهزعـهـا
وتضبـط قيـاس المـاء لهـا بالمكايـيـل=ضـبــط الـخـبـيـر لـصـنـعـة ٍ مخـتـرعـهـا
ومـن يـوم تقطـع خلهـا مثـل مــا قـيـل=ترخـي علـى هدفـى السبيـل مخذعـهـا
مـبـهــارة ٍ تــذعــر بـغـالــي الـتـشـاكـيـل=طـــب الـعـمــاس إلــيــا تـيـســر تـبـعـهـا
صـفــرا كـمــا القـنـديـل حـسـنـا تـعـازيـل=مــن صـنـعـة رســـلان الأول صنـعـهـا
إلـيـا دارهــا الـلــي يعـتـنـي بالمعـامـيـل=وفــاحـــت وبـالـفـنـجـال الأول ردعــهـــا
وفـيـهـا تـســاوت خـنــة الـبــن والـهـيـل=والـنــفــس دافـعــهــا عـلـيــهــا دفــعــهــا
قـم صـب لـي ياشعـيـل منـهـا فناجـيـل=عـلــى سـنــا ضــــوء تــهــادى ولـعـهــا
أظــنــهــا يـــامـــال طــــــول الـتـمـاهـيــل=تـقـلـع هـمـومــي كــــان ربــــي قـلـعـهـا
وتفـتـح لـهـا أبــواب بـصــدري مقـافـيـل=وتجـمـع لــي أفـكـار ٍ تشـتـت ضيـعـهـا
وآخـذ بهـا عــن ضيـقـت الـبـال تبـديـل=وصروف دنيـا مـا مشـت مـع سنعهـا
دنــيـــا تـصــيــد بـالـشـبــك والـمـحـابـيـل=نـــــاس تـسـايـرهــا ونـــــاس تـخـدعـهــا
أحــد تـجــي لـــه بـالـرضـا والتسـاهـيـل=وهو لو تعب فـي جمعهـا مـا جمعهـا
وأحـــــد ركـــابـــه مـقـفــيــات ٍ مـقـابــيــل=ولابــــــاب والا نـــافـــذة مــــــا قــرعــهـــا
وتعطيـه قـاف إليـا طـمـع بالمواصـيـل=وينكف معيـف وسامـح ٍ مـن طمعهـا
دنــيـــا تــقـــذل ســبـــق الــحـــر تـقــذيــل=وتـوهـنــه فــــي ربــعــة ٍ مــــن ربـعــهــا
لو قـد مضـى لـه مـن شقاهـا غرابيـل=يــــوم الـحــرايــب مـظـلـمــات ٍ قـطـعـهــا
يوم الطلوع ابها على الهجـن والخيـل=مـا قـد فهـق عـن طلعـت ٍ مـا طلعهـا
ويـوم استـقـرت وأغـدقـت بالمحاصـيـل=صــــارت منـافـعـهـا لــمـــن لا نـفـعـهــا
عـقـبـانـهـا تـمــســي قــوايـــا مــواجــيــل=والمـسـتـفـي� �د غـرابــهــا مـــــع مــرعــهــا
والــلــي مــســار أمــورهـــم بـالـبـراطـيـل=والـلـي مـتــى مـــا وافـقــت لـــه بلـعـهـا
ومـــن ذاق در الـمـرزمــات الأبـاهـيــل=أمـــــا حـلـبــهــا حـــلـــب وإلا رضــعــهــا
وحصنيهـا يرقـص عـلـى هــزت الـذيـل=ولــو يجتـمـع قـدمـه سـبــاع ٍ سبـعـهـا
ولا عـنـدنــا يـاشـعـيـل لـلـعــوج تـعـديــل=مــازال ممشـاهـا عـلـى الـعـدل أطعـهـا
وإن شفتها قامت تجانف على الميـل=بــأردى ثـمـن عـنـد أول الـسـوم بعـهـا
واستـثـن منـهـا قـومـت ٍ بـآخـر الـلـيـل=فــــي حـــــزة ٍ كـــــل ٍ يــحـــب يـهـجـعـهـا
إليـا جــاء لثـلـث اللـيـل الآخــر تراتـيـل=وقامـت ملائـكـة الـرضـا قـمـت معـهـا
فـــــي ســاعـــة ٍ تـكـبـيـرهـا والـتـهـالـيـل=يـجـنـى ثـمــار عـذوقـهـا مـــن زرعـهــا
وخــل اجتمـاعـك بـالـرجـال الحـلاحـيـل=الــلــي خــيــار الـمـجـتـمـع مجـتـمـعـهـا
ولا تبدي الشكوى ولو ضامـك الشيـل=الا عــلـــى رجــــــل يـــحـــس بـوجـعــهــا
رجـــل إلـيــا الـتـفـت عـلـيـك النـشـابـيـل=أمــــــا شــبــرهــا شـــبـــر وإلا ذرعـــهــــا
واخـتــار مـفـتـاح ٍ لـلأريــاء المقـافـيـل=روس الــعــلا يـرقـيــك فــــي مرتـفـعـهـا
ومـن الزمـان اخــذ العـبـر بالرحاحـيـل=الـــلـــي مـنـازلــهــم تـــهـــاوى بـقــعــهــا
يافجـعـتـي لاجـيــت بـعــض الـمـداهـيـل=ولا شـفـت فيـهـا عـقـب حـــي ٍ رتـعـهـا
إلا رســـــــوم دارســـــــات ٍ مــســامــيــل=وخــرايــم ٍ يــزمــى الــســراب بـشـمـعـهـا
بــلاقـــع ٍ شــهـــب ٍ تــهـــاوى زهـالــيــل=ألـظّـاهـر أن الــلــي فـجـعـنـي فـجـعـهـا
من عقب أهلها لـو سقتهـا المخاييـل=مالله نــفــعــهــا وبــركــتــهـــا نـــزعـــهـــا
لاجيـتـهـا جـضـيـت مـــن قـلــة الـحـيــل=ودنـيـاي عـنـدي ضــاق بــي متسعـهـا
عــلـــى حـلاحــيــل تــضـــد الـرجـاجــيــل=حـصــن ٍ مــاعــاد إلامـقـالــع شـيـعـهـا
الـسـتــه الــلــي يـسـتـحـقـون تـفـضـيــل=الـنـفـس ويـــن أرضٍ بـعـدهـم تسـعـهـا
عاشـوا عـلـى الدنـيـا كـمـا رافــد النـيـل=بنـفـوس مــا سيـطـر عليـهـا جشـعـهـا
ولا قـلـت قـــولٍ مـامـعـي مـنــه تـذبـيـل=يــا مذيعـهـا لـلـنـاس إخـذهــا وأذعـهــا
وحـق القبايـل مـا أعتـرض لـه بتقليـل=النـاس مـا أظلمهـا ولا أنقـص وزعهـا
فـيــهــم مـشـاكـيــلٍ وفـيــنــا مـشـاكــيــل=يـامــا مــــن الأخــيــار مـعـنــا ومـعـهــا
[/poem]