يا من طلبت الحرف لك تسبق خطاي واكتب قصيده وانظم الحرف زايد
انت القصيده في حياتي ودنياي وانت اللذي لعيونك اكتب قصايد
لعيونك اطرب كل حرف ن على الناي ولعيونك أ بعد كل مبغض وكايد
تخضع لك الكلمه وتمشي على رضاي لامن دعيت لها القلم جت بجايد
عشقت كل مافيك وشوفتك مغناي وجنبك بغيت العمر طالب ورايد
وحطيت لك روحي على راح يمناي واهديت لك من نبض قلبي فرايد
ياليت يطول العمر وتعيش وياي وعن كل هم ننام باكبر وسايد
