يا جر قلبي عذرا يا لغتنا

ياجـر قـلبي جـر إسـم (ن ) يـجــرا
من في إلى دايم على السطر مجرور
والــجـزم جـالـي مـنه جـزمُ مــو را
اجزم جزم مـــــاني لك الله بمسرور
في حـب هـاك الشين قـلبي مـعـرا
أعـطف ولا يعـطـف وانـا مـنه مقهور
حـتى الضـمـائر تشـتعـل مـنه حـرا
وإن وحتـى وليـت تـدري عـن الجـور
كـثـر الـجفـا والـصـد للـحـال ضـرا
بـالـفعل ماهـو فعل يانـاس مـجبور
جـاني من الماضي ظـروف تضـرا
أخـذ الخـبر حـدك ترا الزين مـغرور
وغـديت المـلم خـاطر (ن) به مسرا
امـرا ومطلق وانطلق مـنه ديـجـور
ويـا وجـد حالي وجد نحو (ن) تقرا
الإنــقلـش في مـفـرداتـه لـها سور
بـإسـم الــحـضـاره والثـقــافـه تمـرا
حـال ٍ مـا هـو حـال ولنا الله ياسرور
يـا مـن قـريت إفـهـم لـحـرفٍ تـقــرا
الأصـل فـيه الـفصل والا أنـت معذور
مـاهـو بـذنبك ذنـب قـلب (ن) يـجرا
غـدت به الـدنيـا كما إسـم مـجـرور
فـعل ومـفاعـل وانتـهى العـلـم فجرا
طربـان وعـلومـي تـرى كـلهـا بـحور