راح الشباب

راح الشباب ومفرقي بان به شيب

وقلبي هواوين واعده شبابي

واجر صوتي بالمواويل واجيب

خـمريةً من دونــها افــك بابي

يطرب لها من يسمع القاف تطريب

كيفه على كيف المغني يجابي

عديت به في عاليات المراقيب

مـــاغــير انا ويـاه وعـــوا الــذيابي

ونجم ن لمحته يضهر ومرن يغيب

وجرح(ن) قديم وليلً اسود سرابي

سر يا قلم وإكتب بزين المكاتيب

فيما مضى ووضح حروف الكتابي

هات الجديد وخل عنك المعاطيب

وسع صدورٍ قـد وطــاهـــا إكــتابي

خذني على مبداي وابد التراحيب

باللي ينش القلب نش المرابي

لو قلت ابا انسى الحب واقول مانيب

من يلحق التالي بتال النصابي

لقيت قلبي من الهوا فيه تعطيب

مثل الغريق اللي نشب له نشابي

ويا ونتي ونة كسيرً ولا يطيب

كسره عطيب وميساً من أطبابي

باول شبابه واول العمر تهذيب

واعــزتي لـــه راح عمــره نهـــابي

ووجدي على اللي بشوفته قلبي يطيب


وأغدي شباب وينتهي بي عذابي

قالو تحب وبمفرق الراس بك شيب

حفية رجولك مالك إلا السرابي

عيب عليك بعمرك اللي بقا عيب

طرد الهوا به صرت كنك إرهابي

قلت إتركوني ما بها شك أو ريب

انـــا هــواوين وقـــلبي مُــصابي