ذكـــرك غـــدى مــثــل ضـــلـــي بــس يـــبـــرالـــي

السلام عليكم ورحمة الله وبركاته

اقدم لكم هذه الابيات ولعل وعسى ان تنال اعجابكم

يقول

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

هب الهوى غرب ماهو شرق وشمالي=وقلت الجروح القديمه جاء مداويها
واقبل وقال الكلام اللي برى حالي=اجروح قلبي بهرجك ليه تدميها
ذكرك غدى مثل ضلي بس يبرالي= ياذكر محبوبي اعيوني لتبكيها
انا ادري اني لو انسى ذكره اشوالي=لاكن مع الوقت نفسي كيف ابرضيها
ان جيت وان رحت تبقى بالحشا غالي = نفسي من الهم فيها ما مكفيها
لولى المراره من اللي يعرف الحالي= ولولى خبول العرب مابان صاحيها
ياهاجسي لا تقول ان الصبر طالي= لا طالت السالفه بانت مواريها
تجيني اعلوم عذالك وعذالي = واعلومهم خابر انك منت باغيها
ومنزالهم غير منزالك ومنزالي= واهل الردى والهروج العوج ماجيها
اجلس ابيتي علا مركاي ودلالي= اخير من شوف ناس (ن) ماندانيها
النفس ماتبغي الا النايف العالي= والعين ماتبغي الا شوف غاليها
ادري واعرف السنع ومعرب (ن) خالي= ماني بخبلن يكحلها ويعميها
لاكن يلولى ولولى خشيت الوالي= في ذمتي لحرق اولها وتاليها
قولو الراع الردى والقيل والقالي=حنا حرارن معربتن مجانيها
ولا يحسبنّه ابهرجه مشغلن بالي= تراه نقصن علا الدنيا وما فيها
ولعل بيت (ن) مهو لروس مدهالي =لعل بقعا عليه اتكوح سافيها

[/poem]
وسلامتكم

مزيد بن تركي المويس

جزل يابوتركي

لله درك

وصح قلبك وكلك


مبدع دوما


تحيتي لك

صح لسانك وسلم فكرك وبنانك
عزف رائع
اخوك

سامي

صح لسااانكـ يامزيد..


تحيتيـ

لولى المراره من اللي يعرف الحالي
ولولى خبول العرب مابان صاحيها



ياسلام يامزيد

صح لسانك ملايين

مبدع لاهنتت

والله ونعم فيك يامزيد
وحي الله الشعر وراعيه
قصيده جزله وراقيه
صح لسانك مليون وسلمت يمينك.

صح نبضك وكلك وسلمت يمينك
جزله من راس جزل بارك الله فيك

تحياتي وفائق احترامي

قصيده رائعه جدا
صح لسانك يافحل

مزيد

صح لسانك وقلبك


لاهنت

صح لسانك واعتلا شانك
لاهنت اخوي

سلم فكرك وبوحك

مبدع ياغالي قصيدة جزلة لاهنت

تحياتي لك

مزيد المويس لم أجد ما اقتبس روعة متناهيه

من شاعر متمكن لاهنت