أميرة القوافي وعبدالرحمن الحميدي

آل غرابيل الطيبون
السلام عليكم ورحمة الله وبركاته

قصيده موجهه لي من الشاعره أميرة القوافي
تشرفت بها كثيراً واسعدني أن ارد عليها
بين يديكم القصيدتين أتمنى أن يرتقن
لذائقتكم.

[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] ياأبـن الحميـدي للفخـر رأس شـرواك=رأس ٍ شمـخ للعـز .. مجنـى معاليـك
مـع سيمـة الأخـلاق وأرقــى مـزايـاك=رمز الوفاء .. ياأبـن الوفـاء منـك وإليـك
بيـنـك وبـيـن الـقـدر ضـاعـت حـلايـاك=والطيب من طيبك غدى الطيب يتليك
هــذا محيـطـك للـكـرم مــن عطـايـاك=لاقلـت يـأخـذ مـنـك مـاهـوب يعطـيـك
يادحيـم لـو تـدري عـن آخـر ضحـايـاك=مامات رأس البخـل ليـن أبتلـش فيـك
تدري وش اللـي تحصـده كـف يمنـاك=ذروة سنـام المجـد .. والنعـم يكفيـك
والتهنيـه مـبـروك .. الألـقـاب تـزهـاك=وأنـت كيـان الشعـر بإسمـك وطاريـك
شاعركيـان الشعـر عـن عـرف وأدراك=تفتـل وتنقـض فتـل حبـك المسابـيـك
حقـك ولـو جـزء مـن الجـزل ماأعطـاك=وإن ماوفـاك الشعـر .. فعلـك بيوفيـك
لـلـعـز يـاعــود ٍعـلــى الـعــز سـمــاك=بـذربــك الـمـعـروف والـيــوم نـجـنـيـك
هــذا وأنــا لاقـلـت والـصــرف يـنـحـاك=مــن وهـبـة الـخـلاق والـقـدح ينبـيـك [/poem]


وتشرفت انا بالرد على الشاعره
أميرة القوافي:


[poem=font=",6,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] حي الشعر ياهـل الشعـر يـوم يمنـاك=خطـت لـي وسامـي وجــادت ايـاديـك
مسعـد خفـوقـي فــز والعـيـن تـقـراك=ياشـعـرٍ اثـلـج خـاطـر وصـــدر قـاريــك
لـو كنـت ليـلٍ زان لـي فيـك مـسـراك=يــوم الامـيــره بـيـنـت لـــي خـوافـيـك
بنـتٍ لهـا مــن جــزل الافـكـار علـيـاك=كـــم مـــرةٍ مـنـهـا تــــروّن ضواميك
ياشعـرهـا وانــا الـــذي يـــوم لـقـيـاك=فتحت قاموسـي معـك لاجـل اجاريـك
وانـتَ ياشعـري جزلـة الحـرف تزهـاك=مابـيـك تِكـتَـب لاجــل مـطـرب يغنـيـك
وانــا كتبـتـك هــم واشفـيـت عمـيـاك=مـن ويـن ماسقـتـك تـدامـى قوافـيـك
وخليتـهـا خـضـرا عـلـى درب مـاطــاك=لاجـل الغـرام اللـي بوسـطـه مرابـيـك
والـيـوم غـيّـرنـا الـطـرايـق ومـمـشـاك=شـكـر الامـيـره لـيـن الـيّـن قواسـيـك
هـذيـك أمـيـره يالشـعـر ويــن دنـيــاك=بــنــتِ ابــوهــا مـالـفــوه الـصـعـالـيـك
يابـيـت عــزٍ مـاحـكـوا فـــي خـطـايـاك=ربيـت مـن هـي شرفـت ذكـر أهاليـك
يـاخـو أمـيـره وجـهـك ابـيـض وطـريـاك=تصونـه اللـي حـق لــك فــي عـزاويـك
تـقــول انـــا اخـوهــا وتـفـخـر بـعــزواك=مادنـسـت عـرضـك ولا عــرض والـيــك
وياخالـهـا رح بـشــر اخـتــك وعـيـنـاك=ماخسـرت راعـي صـعـاب المسالـيـك
وعسى ياشعري جزل الافكـار يزهـاك=لني وانا الدحمي عن الطفس ناهيك
[/poem]

عبدالرحمن + أميرة القوافي



لا هنتوا على المساجله العذبه




تحياتي




.




.



.

شكراً لك

جاء القصيدة في اهله وتستاهل الطيب ياعبدالرحمن
اجادة في الاثنتين

صحت الانامل

تقديري

عبدالرحمن الحميدي + أميرة القوافي

صحت السنتكم ملايين

صوت وصدى ولا اروع


مبدعين لاهنتوا

&& عبدالرحمن الحميدي &&


قصيدة رائعة


صح لسانك ودام نبضك


واصل والله يرعاك


~ ~ أم تركي ~ ~

صوت وصدى رائعين

صح لسانك ولسانها

تحيتي لكم

صح لسانك وسلم فكرك وبنانك
صدى رائع منك للمبدعة اميرة القوافي
اخوك

سامي

صح لسانكـ و لسانها..


يعطيكم العافيه..


تحيتيـ

اقتباس:

---

المشاركة الأصلية كتبت بواسطة فـهد العتيبي

جاء القصيدة في اهله وتستاهل الطيب ياعبدالرحمن
اجادة في الاثنتين

صحت الانامل

تقديري

---

صحت ايامك يافهد وماعليك زود
لا حرمني الله مرورك الجميل.

صح لسانك يالدحمي ولسان شاعرتنا اميرة القوافي ...
مبدعين ...

تحيتي ...

السلام عليكم

أو هنا حقيقة لابد من ذكرها

فأنا وللأمانة لم أدخل لهذا الصرح الشعري الباذخ الا من خلال موضوع لهذا الرجل قادني اليه

قوقل في هذا المنتدى حيث كنت أبحث عن ارتباط الشعر النبطي بالفصيح وكان موضوعا

جميلا فيه الكثير من الفائدة ومن مداخلات بعض الشعراء التي لا املك سوى أن اشكرهم

واحترامي وتقديري للجميع هنا وللشاعر والأخ عبدالرحمن الحميدي على ذلك الموضوع

والذي ينم عن شخصية منفتحة ومحاورة وتبحث عن الجديد والمفيد

عذرا قد لا يكون هذا الكلام هنا لكن مناسبة القصيدة لم تخلوا من الثناء على رجل

يستحق الكثير 0

أميرة القوافي صح السانك أبيات جزلة يستحقها هذا الرجل0

وللشاعر عبدالرحمن


رد جزل من شاعر كبير ومتمكن

لاهنت وصح السانك وتسلم

صح الله لسانك ياعبدالرحمن ويا أميرة صوت وصدى اكثر من رائع تستاهلون الطيب

بين الصدى والصوت قدرات رائعة استمتعنا بترديد قراءتها

تحياتي وتقديري