واللي خـلـق سـمـك الـسـما وأنـزل الـطـور ؟!
[poet font="Simplified Arabic,4,firebrick,normal,normal" bkcolor="transparent" bkimage="" border="groove,2,white" type=2 line=200% align=center use=ex length=0 char="" num="0,black" filter=" shadow(color=burlywood,direction=135)"]
بـقــاااايـا أطــلال !!
0
0
مـجـبـور ( يامحمد ) تكلمت مجـبور = شكل الـدهـر يبدي ورى ضحكته ناب
أيام يامحمد وأنا كنت مغرور = قلت الحياه دروس سهلات وأصعاب
هذي بقايا أطلال وأثار وقبور = هذي حقايق .. ذي تماثيل وأنصاب
رمز الفنا .. ملموس .. محسوس .. منظور = ماللبقا في عالم الكون طلاّب !!
ماهو لغير اللي خلقنا ومحظور = سر العظيم وحكمته ياوفى الاصحاب
أقــدارنا ماهي مثل شيء مقدور = أمرً تـقـــــّيـد في سجلات وكتاب
دنيا تخطى الخلق دورً بثر دور = الله يجيرك كم تخـطـت لنا أحباب
أيام يامحمد مضت كلها سرور = وأيام ولـــّـت كلها أتعاب .. بتعاب
غريبه الدنيا لها غياب وحضور = تمازجت فيها العجايب بالاعجاب
من عاش فيها لذة العيش معذور = لو لآم ماجرب عسيرات الاسباب
واللي حياته بالشقا جور في جور = مايلام يامحمد .. وذا حظ ماطاب !!
يـالـوافي اللي لاصـدق مابه قصور = وعـنـد الشــدايد والصعيبات ماهاب
عند التجارب يتضح كل مستور = وعند المجرب كل علم وله أبواب ؟
الحــر (عاش ومات) مامات مقهور = طــيـّب حــياته طيب ياعز الاطياب
وأن كان ماعمر الـفـتى صار معمور = أولاله التدمير .. ولا يضرب حساب ؟
خذها مسافات الزمن بر وأبحور = لاتنشغل كم راح .. كم غاب .. كم جاب
كم من مجاهــد متعّبٍ نفسه حضور = يشقى ويـشـقـــيـّها حـياته ولاثاب
المعرفه دنيا وسيعه بلا سور = والعلم مرقاباً على كل مرقاب
والطيب ضلعٍ يدهله كل مسطور = والمرجله وقفه لو أن الردي خاب
والصدق منجاتاً ونورٍ على نور = والكذب ظلمة ويل في وجه كذاب
والخوه النيه على خير وشرور = وعز الرفاقه صدقها حضور وغياب
والحق سيفاً ينحر البهت والزور = وأكبر جريمه ظلم الاقراب .. لاقـراب !!
العين نعمه والنظر حر محصور = بين المحاجر والحرس فوقه أهـداب
والقلب تاج الذات : والذات مأمور = والروح نسمة عـطـف من رب الارباب
الله يامحمد له الحمد مشكور = اللي وقانا من صعيبات الاسباب
وشلون يامحمد لو الحال مدمور = وبين الثواني حل في غربة أغراب
وصارت تلاعبه محادير وأجفور = وأعدى أعــداته للـفـرح صار جلاّب
وشلون يامحمد ليا صاح مخطور = يارحمة الله يوم صعب الـقـدر شاب !!
أفكار تنحاني ومن طور في طور = أسج وأسبح في طويلات وأهضاب
بالموقف اللي له بعض عام وشهور = كني بـذكـره فاقد العقل منصاب
واللي خلق سمك السما وأنزل الطور ؟ = مافيه مرتاحاً شبابٍ وشـيّــاب !!
رغم أزدهار الارض ضاقت بنا الــّدور = كنا مسّجن من ورى شبك وأسياب
أبكم وأصم وبأسفل الارض مغمور = وأعمى وطاه الوقت من ظمن الارقاب
نسيّوه من حطوه ماهـوب مخبور = ويوم الحياه أزهار في ظلها غاب
يوم الحقيقه خالفت ظن مسرور = وأنته وأنا والواقع المر غلاّب ؟!
بـسـم المعـزه قلت لك قول مجبور = شكل الهدف ماصابه الاّ الذي صاب !!
0
0
( مـنـصـور الــرويلي )
[/poet]
