السلام عليكم ورحمة الله وبركاته
مشاركه بسيطه..متواضعه اتمنى ان تنال اعجابكم..
[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(سر ياقلم واكتب من الشعر ماطاب)=من شاعر عظه زمانه بنابه!!
مذنب على سرد القوافي ولاتاب=حتى ولوتابت حروف الكتابه!!
راسي غزاه الشيب والوقت ماشاب=والهم عانق مابقى من شبابه!!
ثلاثه وعشرين عاما لها حساب=عيت لاتلقى من زمنها الاجابه!!
منها سعى بالزرق ودورات الاسباب=في دنية تبغى جهاد وطلابه!!
نصيب فيها احيان واحيان ننصاب=واحيان نبغى الستر يضفي جنابه!!
الذيب لوشفته يخاويله ذياب=لصيد عينِ وعين يم الذيابه!!
لياصرت ماتملك مخاليب ونياب=جنب عن الارزاق في كل غابه!!
غيرك على طرد المعاويش طلاب=ماتدري ان الذيب رزقه نهابه!!
اما تعيش وتصفق احراب باحراب=والا عشاك تحوم فيه الذبابه!!
واللي غدى بسم الصداقه والاصحاب=يضيع منهو مايحسب حسابه!!
في دنية فيها منافق وكذاب=عوجان الارياء حيها اليوم لابه!!
تسمع لها ترحيب وتصفيق واعجاب=وهذا يجيب القوس وهذا الربابه!!
فيها الوفي ماله مكانه وترحاب=دام الذنب فيها يهز الذنابه!!
هذا زمان الطيب ودا ولا جاب!=مثل السقيم اللي سقامه غدابه!!
مذمومة دنياك والوقت دولاب=هذا انتهى منه وهذا بدابه!!
يظهرلك العدوان من وسط الاقراب=ويظهرلك (اقراب)بليا قرابه!!
والطيّب اللي فالمواجيب ماغاب=والا الرخاء محد نشد عن غيابه!!
نهاية الموضوع من سيرة كتاب=من شاعر يمناه صاغت كتابه!!
الطيب نادر كسلايل والانساب=والا الردى في كل شي يتشابه!![/poem]
