طــــــائر الشحرور ...
على الضفة الأخرى من الجدول المهجـور
كبـرت بهـدوء وتحتـه امتـدت اعراقـي
هناك اسرق الظلما واطارد لصوص النـور
وترتاح يـا طيـري تحـت ظلـي الواقـي
اراقبك من اربـع سنيـن وثـلاث شهـور
وتبني على اهدابي وتشـرب مـن احداقـي
انا فالتأمل عبقـري وانـت فيـك غـرور
اسرني غرورك وانت ما ترفـض اطلاقـي
تطيـر بزهـو الفـارس القائـد المنصـور
وترجـع بوجـه المتعـب الكـادح الشاقـي
بجنحانـك السنـدس ومنقـارك الفسـفـور
وحنجرتـك البيضـاء وترنيمـك الـراقـي
تركب من العيدان الاعوج علـى المكسـور
وتنقص مـن الكامـل وتكمـل بـه الباقـي
اشوفـك ترتـب عـش وتنسـق الديكـور
وتحـرص علـى لامـاي وتـدور فراقـي
انا شجرة الصفصاف يا طائـر الشحـرور
من اغراك تسكن بين غصني واوراقـي؟
هي الرغبة انك في الاعالي تسـوي دور ؟
وترتاح فالعالي وانا اوقف على ساقـي؟
او الرغبه انك تقهر مـن الطيـور طيـور
من غروب شمسي فالسما لأول اشراقي؟
قضت مسرحية خمرة العشق يـا عصفـور
ومات البطل مخمور فـي داخـل اعماقـي
وانا الساقي اللـي قـدم الكـأس للمخمـور
مزجته من التقـوى بشـيء ٍ مـن اخلاقـي
فهل يا طيور العشق فـي حانـة الجمهـور
تبيعون خمر العشق في حـارة الساقـي؟
على الجدول المهجور يا طائـر الشحـرور
خذ الريح وانثرهـا وانـا بجمـع اوراقـي
ولا ابقى رغيفـة خبـز وعيونـك التنـور
لتطعم بي الجائـع ويحلـو لـك احراقـي
للشاعر : حمد العصيمي
