ياتينتي ياخوختي ياتوتي

السلام عليكم ورحمة الله وبركاته

عزف القصائد في سمانا مدهر=وانا عزفت اليوم من معزوفتي
والفكر مركب والشعر مثل البحر=ويامركبي سقها تراها موجتي
سقها على معشوقتي والك الفخر=الك الفخر غنيت في معشوقتي
امورتي دامي معك زان السهر=زان السهر في حضرتك امورتي
زان السهر في ليلة ن فيه القمر=كنه يقول اليوم هاذي صورتي
ياوردة ن تنبت على طارف نهر=تقطر عسل منها العسل معسولتي
يانسمة ن جتنا مع نزول المطر=ياتينتي ياخوختي ياتوتي
ياعذب من الرمان في فية عصر=يام الخدود الحمر ياأمورتي
يام العيون السود ياغرشة عطر=يافرحتي ياضحكتي في دوشتي
يامعركة حب ن نهايتها نصر=بين القلوب الخضر فزت بجولتي
فزت بهنوف ن تحصر الرقه حصر=فيها الانوثه طاغيه مريوشتي
ام الدلع وام الغنج وام الطهر=هي مملكة حبي وباشة دولتي
دلوعتي فيها خفوقي منبهر=كن الصبايا رجال مع دلوعتي
فيها القوافي والفرايد والشعر=من غيرها يكتب بها معشوقتي

اخوكم/
محمد بن غالب



ً

صح لسانك مليون ولا يكفون

رائعه وجزله


اخوك

نادر

صح بدنك يانادر وشاكرلك مرورك

محمد بن غالب
والله إنه كان ودي أكون اول
من يرد عليك وقريت النص
بعد مانكتب بخمس دقايق
لكن علق الاتصال معي ولا
قدرت ارد عليك وسبقني اخوي نادر
وما شاء الله عليك مبدع مبدع مبدع
واسعدتني القراءه بشكل ماتتصوره
لا هنت ولا حرمنا الله جديدك.

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يامعركة حب ن نهايتها نصر=بين القلوب الخضر فزت بجولتي
[/poem]

محمد بن غالب

صح لسانك ملايين


لاهنت

عبدالرحمن الحميدي الله لايهينك وصح بدنك
وشرف لي تواجدك شرفتني والله

عبدالرحمن الحميدي الله لايهينك وصح بدنك
وشرف لي تواجدك شرفتني والله

جزل يا محمد

صح قلبك وكلك

وسلمت اناملك

تحيتي لك

ام الدلع وام الغنج وام الطهر=هي مملكة حبي وباشة دولتي


صح لسانك من اول القصيدة لاخرها ابداع والله يخلي لك دولتك وباشة دولتك :)

يامعركة حب ن نهايتها نصر
بين القلوب الخضر فزت بجولتي

.
.

الله .. الله

الله يبارك لك ينصرك يامحمد ولو ان الحب مثل مايقول الشاعر

لا واخسارة حبنا اللي بنيناه
واكثر مشاريع المحبه خساره


محمد بن غالب ..

صح لسانك ولاهنت

سامي العطاوي صح بدنك والله لايهينك

ابو عبدالرحمن صح بدنك
والله لايهينك على الزياره
شرف لي

ابو عبدالرحمن صح بدنك
والله لايهينك على الزياره
شرف لي

صح لسانكـ يا محمد..


تحيتيـ

نص رائع لقلم مميز
صح لسانك وسلم بنانك
ودام هذا الشعور العذب
أخوك
مفرح السبيعي