كل النسب ماتنصف اشواقي لفلان !
مساؤكم ورد
لقلبه ثم لقلوبكم
قولي مها وش كثرتهوينه فلان؟.
رديت (مدري) لانَّه اصدق جوابي
عشقي ماقاسه حرف او كف ميزان !
تدرين فَالدنيا غرامه زهابي !
ولولا حبيبي هالشعر نذر ماكان !
تشهد حروفٍ يحتضنها كتابي
يكفي الزوايا لانشدتي عن فلان ؟
قالت (...) عشق المها واعذابي !
وتدرين لو ساعة يغيّب ولابان
والله لفقد صبري وافقد صوابي
لاقبل علي وقال مشتاق ولهان
ابكي على صدره وابيِّنْ عتابي !
تغشاه في قلبي سكينه وسلوان
وفـ قلبه انسى وحدتي واغترابي !
ولولاه ابد ماطاب عمري ولازان
في ظله ازهر كل حلم بشبابي
كل النِّسب ماتنصف اشواقي لفلان !
حتى ولو زكيت زايد نصابي
المهــا
