بعد الغيااااااب الطويل عسى ان تشفع لي ،،، لكم :
كريم يابرقٍ سـرى لـه تشعـال
علـى فيافـي نجـد نثـر ثعولـه
عيني تخيله والمطر منـه همـال
والارض من وبله تقول مغسولـه
السيل من وبله من الجـال للجـال
والارض نبتت عقب كانت ذهولـه
ساقه ولي العرش علام الاحـوال
الواحد المعبـود مرسـل رسولـه
وينك ياراع الجيب عن سجه البال
وين انت يلي ضايق فيـه جولـه
وين انت يااللي مشغلك جمع الموال
وين انت يلي صار همـه يعولـه
وين انت يلي تشغله كثر الاعمـال
وين انت يلي دوم كبـدك ملولـه
سج القدم وابعد عن القيل والقـال
في خايعٍ تمشي مجـاري سيولـه
تضحك زهوره للبدو فيه مدهـال
والطير يرقص في منابت سهولـه
ترتاح نفسك من غثا الوقت لاطال
وتنسى همومك كل ماجيت حولـه
