*..|| تباريح الغـرام ||..*

صبحكم الله بكل خير


متواضعه أبَت الا ان تظهر من الأدراج ..
أمرّوها كما جاءت ، فهي في خجل
من رقي ذائقتكم "





،

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
تباريح الغرام .. ورحلة المشتاق .. وحلم ليل = غرابيل ٍتقدّي بالمحاني .. جمرها وهّاج !!
يمر الليل والذكرى .. ظلام وخافقي قنديل = يصبّرني على الظلمى ويزيد من الخلاج .. خلاج
واخاف الليل / لايرحل ويتنفس صباح الويل = ويبين الهم في وجه ٍ غشاه النوح والمسهاج
ياغايبة ياللي على صدري تجرين العويل = الناي : صدري واعزفي لحن ٍ على صوت احتجاج !
الليل موحش في ديارك - مانشوف بها سهيل = عين ٍعلى ضي القمر , والعين الاخرى بالسراج
يلوف البعد سرجوف الحنايا هدّ حال وحيل = سرق قلبي من ضلوعي " وهي كانت له الاسياج
برق الحيا خالف سحابك .. عيّت مزونك تسيل = ياكود .. وبل ٍ منهمل من بين رمشينك أوجاج
في عيوني : عج رمك .. ووقدح عدو .. وصوت خيل = وفي عيونك : دمعتين .. وكلمتين .. وجرح ، لاج
انطقي لامن ولهتي قولي لو شيء ٍ قليل = اكبر جريمة تسكتين .. وداخلك الف احتياج !
لايغرك طول صمتي .. ضجّ في صدري صهيل = والموت من كثر العتب , واللوم , وتعقيد الحجاج
اذكريني في حياتك ضيف , او عابر سبيل = أٌكرمت بالصد ، ورويت بصدتك عدَّ ٍ هماج
لو شحَّ وصلك : مانثنت في يوم هامات النخيل = الي سواقيها وفاء .. لو لافها صلف العجااج
صبري على الله \ فالمحاني قد بقى صبر جميل = دائي غيابك من زمن عنّي ، وشوفتك العلاج
كلام عيون .. ونزف جروح .. وغربة مالها تأويل = تحطّ ادراج في صدري .. ومن صدري تطير ادراج
(ياجار جديع) .. ياقوّك ذبحت من العرب حلحيل = ذبحته بالهوى والله ماهي طعنة وقطع اوداج ..!
تعب كل الاماني .. مالقيت لفقدها تحليل = ياكود أوهام تغمرني , تسبب لي كثير إحراج !
وانا تعبت من الهوى - والبعد - والغصن النحيل = وظروف طالت ماوفت لاصحابها حسب المزاج
تمر سنين من عمري .. وطيفك ماجرفه السيل = ألا كيف الوله ينضب .. وهو في داخلي ثجّـاج !!

[/poem]



ووسلمتواا




.

جزل يا سلمان

صح قلبك وكلك

وسلمت اناملك

تحيتي لك

اقتباس:

---

انطقي لامن ولهتي قولي لو شيء ٍ قليل

اكبر جريمة تسكتين .. وداخلك الف احتياج

---

ليست متوآضعه ياسلمَان ابدآ

بَل فائقة الحسن والشعُور

ألف صح احسآسك

ودُمت للجمَال.

سلمان النفيعي


صح لسانك وقلبك

لاهنت

صح لسااااانكـ يا سلمان..


تحيتيـ

http://vb.g111g.com/data:image/png;b...AAAElFTkSuQmCC

سلمان النفيعي ...

صح لسانك ولاهنت


ولكن انا عندي مشكله في قراءة القصيده


القصيده وجدتها على كذا بحر

بعض البيوت على :
فاعلاتن فاعلاتن فاعلاتن فاعلاتن

وبعضها على :
مستفعلن مستفعلن مستفعلن مستفعلن

والاخر على :
مفاعيلن مفاعيلن مفاعيلن مفاعيلن


صارت كوكتيل عندي او ان قرائتي لها خطأ


انتظر توضيحك لاهنت

جزل الى ابعد حدود الخيال
والشعر
والشاعريه
والمعنى
والفكر
والسلاسه
والتسلسل
للــــــــــه درك ياشاعرنا .. ماشاء الله عليك وهذي هي بالادراج ياخوي اذا عندك شئ من اللي في الدرج هاتها لاتبخل علينا من هالابداع..