ماهو خطا عشان ادوّر معاذير

ماهو خـطـا عـشـان ادور مـعـاذيـر
........................ولا هو غلط عشان ادور صوابه
اليوم تــوه عـود لـوكـره الـطـيـر
......................واصبح يشوف العالم اكثر رحابه
مـستـغـربـيـن انه مـلـى قلـبي الخير
.........................ليه الغرابة! وين وجه الغرابة؟
تـعـبـت ادور لـلـخـطـاوي مـشـاوير
..........................لين التعب زاد الليالي رتابة
يبكي فرح من شاف بعض التباشير
.............................معذور لو دمعه يبلل ثيابة
من كنت بأول خامسة طفل صغير
....................كنت امتلي حزن وغموض وكئآبه
كنت أشعر اني غير والمدرسه غير
.....................هيمان في جو النبي والصحابة
كنت المح بوجه الليالي تـعـابـيــر
...................وأقرا همومي قبل أعرف الكتابة
والـشـعـر غــاب وله محبة وتقديـر
.........................واول غيابه شلت هم لغيابه
بالنفس كان لبعض هالأمـر تـأثـيـر
......................والليلة اهوّن من جناح الذبابه