وصفه سحريه وسهله جدا لمشاكل الشعر
السلام عليكم كل العضوات أنا مش هطول عليكم بس والله الوصفه ده حلوه جدا لمشكل الشعر وانا بنفسى مجربتها
ندخل فى الموضوع
انا شعرى كان خفيف جدا جدا وضعيف قوى
ده غير الصلع اللى كان عندى فى مقدمة الرأس كان حاجه بشعه
كنت بتكسف أبين شعرى لحد حتى خطيبى بعد كتب الكتاب مكنتش أقدر ابينله شعرى
لحد مجربت حاجه كده أكيد موجوده عندنا كلنا
نصف علبة ذبادى أو على حسب طول شعرك ممكن علبه كامله وتحطى عليهم عسل نحل أبيض بس ياريت يكون طبيعى من المنحل عليكى على طول (يفضل يعنى)
لحد كده سهل نضيف عليهم كبسولات فيتامين a أو e
وده شرايط فيتامين بتتباع فى الصيدليه ورخيصه جدا لاتتعدى ال5 جنية
بتحطيها مع الذبادى والعسل زى ماهيا وتحطيهم شويه على النار هديه جدا
لحد لما الكبسولات تسيح
علشان تستفيدى بأكبر قدر من اللى جواها
تغسلى شعرك كويس قوى وتحطى الوصفه وبعدين تلفيها بكيس بلاستك وتسبيها حوالى من 2 إلى3 ساعات
وياريت تعمليها مرتين فى الأسبوع
والله العظيم أنا شعرى أتغير خالص
نبت من قدام وطول وبقى طرى وناعم
والله على ما أقوله شهيد
بس أنتم جربو وقلولى رأيكم
ملحوظة : أى وصفه بتحطيها على شعرك ياريت تكون دفيه شويه علشان تفتح مسام فروة الراس
